Home Notisia AJTL – EUA Organiza TechCamp Timor-Leste Aliansa Kontra Disinformasaun

AJTL – EUA Organiza TechCamp Timor-Leste Aliansa Kontra Disinformasaun

219
0
partisipante sira halo aprezentasaun. [Foto: Doc.AJTL | 18.10.2021]

Reportajen Francisco JDA

Asosiasaun Jornalista Timor Leste (AJTL) realiza TechCamp Timor-Leste, relasiona ho Aliansa kontra disinformasaun.

Liuhusi abertura, Charge d’Affairs, Thomas Daley liuhusi pre-recorded nia hateten sosiedade demokrátiku funda bazeia ba espíritu nakloke no liberdade espresaun, maibe nakloke ne’e dala barak ema bele esplora hodi kria istória falsu, lia falsu no boatu sira ho konsekuénsia ne’ebe sériu

“Durante TechCamp ne’e ha’u dezafia ita boot sira, atu fera ulun no hanoin ho kriativu konaba oinsá ita bele resolve hamutuk dezafiu hirak ne’e, ha’u laran haksolok rona kona ba ita boot sira nia diskusaun, inisial kona ba kriasaun aliansa ida ba verifika faktu, no hau hein katak bele hare idea sira ne’ebé ita boot sira propoin durante TechCamp”, hateten Thomas Daley, 16/10

Thomas dehan jornalista mak iha responsabilidade ba aliserse sosiedade demokrátika ida ne’ebé funsiona, no papél importante atu defende demokrasia no promove direitus umanus, tanba sidadaun timoroan hotu ba jornalista sira, atu fornese informasaun di’ak atu ema sira bele halo desizaun hodi prezerva dame no kria sosiedade ida ne’ebé inkluzivu.

Iha Fatin hanesan Prezidente Asosiasaun Jornalista Timor Lorosa’e (AJTL), Zevonia Vieira iha diskursu hateten papél jornalista importante tebes, sai hanesan ponte ida atu fo informasaun loloos liu hosi halo verifikasaun, coverboth side no intrevista expert sira ba informasaun sira no kumpre kódigu étika jornalizmu no mos prinsípiu jornalizmu.

“Apresisa tebes ba apoiu no suporta husi governu Estadu Unidu Amerika, liuhusi embaixada Estadu Unidu Amerika iha Timor-Leste, ne’ebe fo apoiu ba AJTL no Timor-Leste Press Union, hodi kapasita no hasae abilidade jornalist sira oinsa kombate disinformasaun, missinformasaun no malinformasaun ne’ebe espalha iha sosial media, liu-liu iha tempu propagasaun COVID-19, hodi sai obstaklu boot ba jornalista sira, oinsa atu verifika lalais informasaun hirka ne’e”, dehan Zevonia

Nia hatutan ida ne’e oportunidade diak atu hasae abilidade no kapasidade hodi serbisu hamutuk kontra informasaun falsu ne’ebe sai ita hotu nia inimigu.

Treinamentu ne’e halao durante loron rua, no sei iha semana oin iha loron 23 Outubro AJTL ho TLPU sei halo Pitching konaba projetu ne’ebe partisipante sira prepara ona, hodi identifika issue ka tópiku sira ne’ebe sira dezenvolve liuhusi sira nia istoria.

Partisipante ne’ebe partisipa iha parte AJTL nian hamutuk 22 ne’ebe mai husi media imprime, online, radio, televizaun no inklui ema ho defisiénsia ne’ebe mai husi Asosiasaun Defisiénsia Timor-Leste, Ra’es Hadomi Timor Oan (RHTO), tanba AJTL hakarak hahú promove media inkluzivu iha Timor-Leste no oinsá mak bele  haklean tan  koñesimentu hodi kombate desinformasaun, misinformasaun no malinformasaun tanba iha propagasaun Covid-19 ema ne’ebe sai vuneravel liu mak ema sira ne’ebe marjinalizadu, grupu Vuneravel, labarik feto, ema ho difisensia no ema rural sira

Treinador sira ba TechCamp mak Deborah Nelson, nu’udar Professor ba Jurnalismu Investigasaun ha Universidade Maryland, Ariwibowo Sasmito, Fundador no Spesialista Fact Check MAFINDO, Karol Ilagan, Dosente iha De La Salle University no jornalista iha Filipina no Wahyu Dyatmika, nu’udar Xefe Redasaun iha Tempo.co

Ikus husi programa ne’e AJTL ho TLPU sei harii aliansa kontra disinformasaun. Programa ne’e hetan apoiu husi governu Estadu Unidu Amerika (EUA), liuhusi embaixada Estadu Unidu Amerika iha Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here