Home EduTek Sensibiliza Matadalan Mediasaun Sensivel ba Jeneru, Eleva Koñesimentu Estudante Iha Prevensaun konflitu

Sensibiliza Matadalan Mediasaun Sensivel ba Jeneru, Eleva Koñesimentu Estudante Iha Prevensaun konflitu

161
0
Diretór Diresaun Nasionál Protesaun Konflitu Komunitariu (DNPKK), Antonio Viegas. [Foto: Bernarda | 11.10.2021]

Reportajen Bernarda da Costa

Sekretariu Estadu Protesaun Sivíl, liu husi Diresaun Nasionál Protesaun Konflitu Komunitariu (DNPKK) serbisu hamutuk ho UN Women halo sensibilizasaun matadalan mediasaun sensivel ba jéneru, ba estudante universitáriu sira atu eleva koñesimentu estudante sira nian iha prevensaun no rezolusaun konflitu.

Diretór Diresaun Nasionál Protesaun Konflitu Komunitariu (DNPKK), Antonio Viegas hatetensensibilizasaun loron ohin importante tebes ba estudante sira, tanba estudante maka sai hanesan autór hodi lori dezenvolvimentu ba iha sosiedade, nó sai hanesan referénsia balun ba sira hodi kompleta sira nia estudu.

“Ami uza matadalan mediasaun sensivel ba jéneru hodi esplika ba estudante no komunidade sira konaba nia lalaok matadalan hodi redús númeru konflitu iha sosiedade nia leet no matadalan ne’e rasik hetan ona aprovasaun husi Primeiru Ministru,” haktuir Diretor DNPKK ba jornalista sira iha salaun Luz Clarita, Segunda 11/10.

Nia esplika munisípiu ne’ebé sai risku ba konflitu mak hanesan Dili, Bobonaro no Covalima konflito ne’e rasik dala barak mai husi joven arte marsiais sira,

“Ami iha hanoin sei hala’o nafatin ho aprosimasaun maxima hodi resolve problema sira iha Dilli laran no mos iha munisipiu sira hanesan Covalima no Maliana atu nune’e ba oin bele hamutuk hodi lori paz no dame ba dezenvolvimentu nasional.” nia informa.

Iha parte seluk Analista Programa Feto Paz no Seguransa UN Women, Tecla da Silva hateten Un Women iha kooperasaun di’ak ho DNKK atu institusionaliza matadalan mediasaun sensibiliza ba jeneru, no foka ba dezenvolvimentu ,rezolusaun konsellu seguransa Nasoes Unidas nian iha Timor-Leste liu-liu konaba Feto, Paz no Seguransa.

Matadalan mediasaun sensivel ba jeneru sosializa ba UNTL, UNITAL, UNDIL no UNPAZ ho hanoin katak estudante sira iha kbiit no abilidade hodi fasilita no apoiu lider komunitáriu sira iha prevensaun no rezolusaun konflitu

“Ami hanoin hela katak matadalan mediasaun sensivel ba generu ne’e diak ba estudante sira atu bele iha konesimento oitoan no liu-liu atu bele hakbi’it papel mediadora sira hodi bele aumenta partisipasaun hanesan mediadora,aumenta mos partisipasaun feto sira iha rezolusaun konflito liu-liu ba sira ne’ebe mak vuneravel tebes.” esplika Tecla.

Nia sublina dala barak disputante sira iha rezolusaun konflitu iha prosesu mediasaun laran,hanesan ema vuneravel sira atu koalia no fo sai sira nia lian maibe ema la rona, tanba ne’e UN Women  hanoin hela katak partisipasaun feto ema vulneravel nian importante tebes iha prosesu mediasaun no prosesu hari ba dame.

Print Friendly, PDF & Email

LEAVE A REPLY

Please enter your comment!
Please enter your name here