Home Saude HNGV Kontinua Halo Screening Massal Ba Pasiente no Sira nia Familia Ne’ebé...

HNGV Kontinua Halo Screening Massal Ba Pasiente no Sira nia Familia Ne’ebé Vizita

138
0
Xefe Gabinete Kontrolu Kuantidade Komunikasaun Sosiál, Sara Maria F. Xavier. [Foto: David | 12.10.2021]

Reportajen David da Costa Gusmao

Xefe Gabinete Kontrolu Kuantidade Komunikasaun Sosiál, Sara Maria F. Xavier afirma Ospital Nasionál Guido Valadares (HNGV) kontinua halo screening massal ho Polymerase chain Reaction (PCR) ba pasiente sira ne’ebe atu mai baixa iha HNGV ho nia família sira ne’ebé mak atu vizita, nune’e bele kontrola virus atu labele fó tranzmisaun ba pasiente sira seluk no ba pesoál saude sira.

 “Ativa tirajen hodi halo screening massal ba ita nia pasiente sira ne’ebé tama mai iha HNGV, tanba ita lakohi atu hetan tranzmisaun ba pesosál sira, no mós ba pasiente sira seluk, entaun pasiente sira ne’ebé atu mai baixa, atu mai konsulta iha poliklínika ne’ebé prense kriteria ba swab nian, mas PCR teste ne’e ita tenke halo atu nune’e labele fó tranzmisaun ba pasiente no pesoál saude sira, ” dehan Sara ba jornalista sira iha HNGV, Tersa 12/10.

Nia hateten maske virus ne’e nia númeru tun ona, maibé HNGV kontinua ativa Screening Massal ho Polymerase chain Reaction ( PCR ) teste. HNGV mós halo ona modifika ba formatu tirajen inklui ninia estatutu vasina.

 “Formatu tirajen foun ne’e, atu bele hatene ema ne’ebé afeitadu ona Covid-19 ka lae? no pernah baixa iha ne’ebé, atu nune’e ita bele hetan data ne’ebé validu no ita bele fo informasaun, formasaun no edukasaun ba pasiente sira ne’ebé mai iha ne’e, “ nia esplika.

Nia informa tan depois de konfinamentu Obrigatóriu no Serka Sanitaria movimentu iha HNGV makaas fali ona, tanba ne’e mak husu ba ema hotu atu kumpre nafatin regra sira ne’ebé  HNGV tau hela iha resintu hospitál nian. Nune’e mós pasiente ida ho família ida mak akompaña, bele troka malu maibe tenke na’in ida, no la autoriza labarik ki’ik-oan sira menus husi 12 anos atu mai iha hospital tanba risku boot tebes sira atu hetan tranzmisaun no infesaun iha HNGV.

“Pasiente sira ne’ebé transferénsia husi munisípiu husu favor ida, família na’in ida ka rua mak atu akompaña pasiente,  labele mai bar-barak, depois mai to’o tia iha HNGV ita haruka sira atu fila ba uma, razaun dehan família laiha, entaun ida ne’e mós sai problema ida, tanba laiha espasu, interrompe movimentu no iha parte prevensaun ba virus covid-19 ita labele asegura diak tanba ema barak no família barak,” nia husu.

Print Friendly, PDF & Email

LEAVE A REPLY

Please enter your comment!
Please enter your name here