Home Meio Ambiente UNICEF: Bee no Saneamentu Higienis nia Kualidade Tenke Hadia

UNICEF: Bee no Saneamentu Higienis nia Kualidade Tenke Hadia

183
0
DGAS ho UNICEF Realiza Seminar konaba bee no saneamentu higienes. [Foto: Santina Lucia d Costa | 02.03.2020]

Reportazen Santina Lucia da Costa

Diretor Jeral Agua no Saneamentu, Gustavo da Cruz ba jornalista sira hateten Botal analisis ne’e hanesan feramenta ida, analiza husi feramenta lubuk ida, mais 25 feramenta ne’ebé mak utiliza, hodi halo analiza ba ita nia knaar sira ba serbisu ne’ebe halo. Botal analiza ne’e hanesan feramenta ida atu halo diagnostik, analiza no halo  monitorizasaun husi setór sira.

Diretor Gustavo hateten objetivu jeral husi seminariu ida ne’e, atu bele lori elementu save sira husi Wash ka BESI (Bee Saneamentu Ijiene), hodi koñese didi’ak feramenta ne’e, atu bele eleva efisiensia, rekursu husi setór wash [BESI], hodi alkansa rezultadu mais sustentavél.

Iha fatin hanesan, Adjuntu Reprezentativu UNICEF ba Timor-Leste, Scott Whoolery hateten seminariu ne’e objetivu hodi haree, atu identifika dezafius no problema sira ba asuntu ne’ebé mak akontese iha Timor laran tomak, relasiona ho bee, saneamentu no ijiene, para oinsa buka nia solusaun, hodi resolve problema no asuntu ne’ebé akontese durante ne’e iha Timor-Leste.

Scott hateten asumtu ida ne’e importante tebes iha Timor,  konaba asesu ba bee moos, ninia asesu ne’e importantes tebes ba ema hotu. Oinsa mak haree ba nia kuantidade, nune’e mós kualidade bee moos nian, bee moos nia kualidade mós tenke hadia, oinsa mak ema hotu bele asesu.

Scott Whoolery hateten tenke serbisu hamutuk ho parseiru hanesan governu, oinsa bele garante katak populasaun hotu bele asesu ba bee moos no mós kuantidade ida ne’ebé natón no kualidade ida ne’ebé mak di’ak iha Timor-Leste.

Tuir sensus 2015 nian hatudu katak, iha Timor-Leste, iha uma kain 74.7% ne’ebé mak iha ona asesu ba bee moos, ho kuantidade ne’ebé mak di’ak, iha area urbana nian 91,5%  no mós iha area rural iha ona 78.6% ne’ebé asesu ona ba bee moos.

Scott informa katak Nia dehan, enkontru konjunta entre organizasaun mundial saude nian ho UNICEF halo ona enkontru, hodi haree konaba bee moos ninia kobertura ba ema sira ne’ebé maka iha ona asesu ba bee moos ho kualidade, ninia kuantidade bee husi fontes bee nian.

“Saneamentu no ijiene nian, tuir monitorizasaun iha de’it 54% husi uma kain mak  asesu ba serbisu saneamentu ninian, iha area urbana ninian iha 76% no 44% ida ne’e hatudu katak, sei iha desperiaridade boot tebes. Soe foer boot arbiru ne’e iha ona 20%,  maibé sei iha 28% mak iha areas rurais nian, ne’e sira ne’ebé mak alkansa ona la soe foer boot arbiru”, esplika Scott Whoolery.

Seminariu ida ne’e sei hala’o iha loron lima nia laran, bee no saneamentu ijiene ne’e hanesan feramenta ida, ne’ebé UNICEF utiliza hodi analiza ba estratejia ba dezafius no progesu sira ba iha setór saneamentu no ijiene.

LEAVE A REPLY

Please enter your comment!
Please enter your name here