Home Notisia DGAS Halo Investigasaun Ba Ema Sira Ne’ebe Monta Kontador Bee Moos Ilegal

DGAS Halo Investigasaun Ba Ema Sira Ne’ebe Monta Kontador Bee Moos Ilegal

311
0
Diretor Agua no Saneamentu [DGAS], Gustavo da Cruz. [Foto: Santina Lucia da Costa | 02.02.2020]

Reportazen Santina Lucia da Costa

Governu liu hosi departamentu Agua no Saneamentu, loke hela valkaun tolu iha Kuluhun, Kaikoli no Comoro, hodi nune’e bele reduz koneksaun illegal sira.

Diretor Agua no Saneamentu [DGAS], Gustavo da Cruz informa ba jornalista sira katak kontadór ne’ebé mak komunidade monta ilegal, ekipa taskforce kontinua esforsu-an, hodi halo hela serbisu ida ne’e. Sira ne’ebé mak monta ilegal sei halo leitura.

“Hau forma tan ekipa ida tuir fali leitór sira nia kotuk para identifika lolos. Agora ekipa ne’e lao hela. Ida ne’ebé mak liga illegal, ami sei legaliza sira nia ligasaun, ida ne’ebé la selu ami sei obriga, atu selu”, hateten Diretor Jeral Agua Saneamentu, Gustavo da Cruz ba jornalista sira iha loron 2/3, iha Delta Nova.

Gustavo esplika oras dadauk ne’e instala ona serka de 4 mill kontadores ne’ebe hahu hosi Jeneiru to’o agora. Komunidade balun sedauk iha kontador, liu-liu area Maloa.

Sistema kontrolu bainhira kanu balun tohar, sira iha limitasaun pesoal kontrola tomak, maibé DGAS husu consumedores sé hetan kanu tohar, halo favor fó hatene kedas sira, atu nune’e sira haruka tekniku sira bele ba haree”, hateten Gustavo.

DGAS hatutan sansaun ba komunidade sira, nune’e mós funsionariu husi Diresaun Agua Saneamentu, ne’ebé mak nakar, hodi kontribui hodi halo ilegal koneksaun, balun agora dadaun iha hela prosesu investigasaun. Ita tenki hadia instituisaun labele halimar ho instituisaun, labele halimar ho konfiansa povu nian.

LEAVE A REPLY

Please enter your comment!
Please enter your name here