Home Saude Covid-19, Ema Hotu Iha Risku Hanesan Hodi Hetan Covid-19

Covid-19, Ema Hotu Iha Risku Hanesan Hodi Hetan Covid-19

370
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Surtu moras Corona kontinua ameasa ema nia vida iha mundu global, iha Timor-Leste lius hoi Centru Integradu Jestaun Krize [CIJK] ne’ebe lidera hosi Primeiru Ministru, Taur Matan Ruak kontinua halo esforsu, hodi kombate no halo prevensaun.

Relasiona ho virus Corona, Neon Metin halo konfirmasaun se mak sai vulneravel liu ka iha risku hodi kona virus Corona?

Ba Neon Metin portavoz CIJK Dr. Rui Araujo esplika risku atu hetan moras ka atu daet ba ema ne’e nia risku hanesan.

“Risku atu nia grave liu depende ba kondisaun fiziku ema idak-idak nian, depende ba imunidade. Dadus internasional hatudu katak sira ne’ebe idade hosi 60 mai kraik, ladun vulneravel atu tama iha kondisaun ne’ebe grave, kompara ho sira ne’ebe 60 anos ba leten. Maibe risku atu hetan moras hanesan deit. Sira ne’ebe 60 anos ba leten se iha tan moras seluk, ida ne’e nia risku atu hetan gravedade boot liutan. Ida ne’e mak evidensia internasional hatudu to’o oras ida ne’e”, esplika Dr. Rui iha CCD, hatan ba Neon Metin, 07/03.

Dr. Rui hatutan bainhira iha komunidade ida hetan infesaun konaba virus Corona, normalmente 80% kazu ne’e lizeiru ho moderadu, 20% mak grave no presiza atendimentu iha ospital. Dalan diak liu mak ita tenke prevene para labele hetan moras.

Neon Metin mos halo konfirmasaun bainhira mosu sintomas covid-19, saida mak bele halo hodi prevene an uluk? Ba Neon Metin Dr. Rui hatan prevensaun importante mak halo kontra virus ne’e labele daet mai ita, “bainhira virus iha ona ita nia isin, nia provoka ita nia isin liu hosi imunidade. Se iha duni sintomas ka gejala normalmente ita fo aimoruk atu bele kombate sintomas ka gejala ne’e, pro ezempul nia isin manas, fo kedas aimoruk isin manas”.

Dr, Rui esplika mos katak aimoruk sira seluk atu kura virus to’o agora Organizasaun Mundial Saude [OMS] sedauk rekomenda, maibe OMS akompanha hela esperiensia hosi klinika barak ne’ebe halo iha mundu tomak inklui iha Xina, Amerika no fatin seluk. Oras ne’e dadauk CIJK hamutuk ho peritu sira neebe serbisu iha ekipa de analize, prepara hela atu hamosu manual de tratamentu kliniku ida konaba tipu aimoruk saida mak bele konsumu.

Print Friendly, PDF & Email

LEAVE A REPLY

Please enter your comment!
Please enter your name here