Reportajen David da Costa
Ministériu Solidariedade Sosiál no Inkluzaun (MSSI), semana oin sei halo pagamentu ba lista reklamante subsidiu Fim do Ano ba uma kain hamutuk 8,800 resin.
Hafoin remata enkontru Konsellu Ministru, Vise Ministériu Solidariedade Sosiál no Inkluzaun (VMSSI), Signi Chandrawati Verdial hateten, subsidiu Fim do Ano ba iha reklamante ne’ebé MSSI aprezenta ne’e, ohin aprova ona iha Konsellu Ministru, no semana ida ka rua MSSI sei halo pagamentu ba iha lista reklamante sira ne’e.
“Lista reklamante ohin aprezenta ne’e aprovadu ona, uma kain hamutuk 8,800 itál reklamante, ohin foin aprova imi fó tempu uituan para tekniku sira halo servisu, semana ida rua ita bele hanoin halo pagamentu,” dehan Vise MSSI Signi ba Jornalista sira hafoin ramata enkontru Konsellu Ministru iha Palásiu Governu, Kuarta 1/02.
Nia haktuir lista reklamante husi Minisiteriu Esttatal nian ne’e hamutuk 26 mill, ne’e inklui funsionáriu sira ne’ebé salariu liu 500 dolar, Maibe iha iha dkreitu lei hakerek klaru ema Ne’ebé salariu mais 500 dolar ne’e labele simu, entaun ida neé maka dadus ne’e menus tiha no dadus loos maka 8,812 reklamante.
“Failansu ne’e akontese, tanba dadus barak, dala ruma ita boot sira hatene, ita hakarak buat ho prefeitu, maibé eiru umanu ne’e sempre akontese, tanba dadus barak demais entaun failansu teknika ne’e sei akontese,” esplika nia.
Nia salienta lista reklamante ba iha subsídiu Fim do Ano ne’e, barak liu mai husi Munisipiu Dili porvolta de mill itál, no iha Munisipiu sira seluk ne’e balun 100, balun 200 maioria Dili maka 1,200 ida hanesan neé.
Prezidensia Konsellu Ministru (PCM), Fidelis Manuel Leite Mangalhaes, hateten, ohin aprova ona projetu Dekretu-Lei, ne’ebé aprezenta husi Vise Ministra Solidariedade Sosiál, Signi Chandrawati Verdiál, ba alterasaun daruak ba Dekretu-Lei númeru 37/2022, loron 25 fulan-maiu kona-ba subsídiu US$200 Fim do Ano ba uma kain sira.
Ho ida ne’e, alterasaun ne’e prolonga tan tempu ba pagamentu, ne’ebé sei to’o iha fulan-abril tinan 2023, hoodi bele garante pagamentu subsídiu refere ba reklamante sira ne’ebé sira nia reklamasaun aprezenta ona no aseita husi Komisaun Pagamentu.
“Objetivu husi Projeitu Dkreitu Lei ne’e atu alarga períodu pagamentu to’o fulan abril tinan 2023,” hateten portavoz Governu.
Tanba ne’e, prazu atu entrega ba Konsellu Ministrus husi relatóriu ezekusaun diploma nian, husi parte Ministra Solidariedade Sosiál no Inkluzaun nian ne’e mós sei alarga to’o loron 20 fulan Juñu tinan 2023.
