Home Notisia Koligasaun Agrikultura Kestiona Expo Dubai, TL Seidauk Iha Produtu Natoon Atu Fornese

Koligasaun Agrikultura Kestiona Expo Dubai, TL Seidauk Iha Produtu Natoon Atu Fornese

690
0
Paviliun Expo Dubai 2020. [Foto: Doc. Google | 19.10.2021]

Reportajen Santina Lucia da Costa

Relasiona ho governu Timor-Leste partisipa expo Dubai 2020, hamosu diskusaun públiku, liuhusi konferénsia imprensa ne’ebé hala’o husi HASATIL no Koligasaun Agrikultura hodi komemora loron mundiál ai-han, nune’e Porta Voz Koligasaun Agrikultura, Mariano Ferreira hateten sosiedade sivíl kestiona expo Dubai 2020, tanba Timor-Leste seidauk iha produtu natoon atu fornese bainhira merkadu rai-li’ur hakarak husu atu importa.

Peskizador La’o Hamutuk ne’e dehan bainhira Parlamentu Nasionál aloka orsamentu mais ou menus $2 milloens ba expo Dubai, sosiedade sivíl inklui HASATIL, koligasaun agrikultura ho FONGTIL kestiona ida ne’e, tanba ita seidauk iha produtu ne’ebé natoon atu fornese bainhira merkadu rai li’ur hakarak husu atu importa.

“Ami hanoin katak, podia ita tau osan $2 milloens ne’e dezenvolve ita nia agrikultura rai laran, prepara uluk ita nia kondisaun ke ita iha produtu ona mak ba iha expo Dubai ka expo iha ne’ebé de’it, bainhira kompañia ka setór privadu sira hakarak ita nia produtu.” dehan Mariano Ferreira, iha edifísiu Permatil, Palapaso, 19/10.

Mariano hateten realidade sira hakarak ba de’it para hatudu dehan Timor tenke mós partisipa Espozisaun Mundial, mais realidade iha ita nia rai-laran ita seidauk iha kondisaun natoon atu fornese bainhira kompañia sira husu, ida ne’e hatudu beibeik ona ita nia dependénsia ba importasaun ne’e  hatudu katak,  ita iha problema duni ba situasaun ida ne’e.

Nia husu ba governu tenke prepara kondisaun atu promove Setór Indústria Transformadór  sira iha rai-laran, oinsá bele halo indústria halo didi’ak, para aban bainrua ita iha produsaun rasik, tantu ita fa’an iha rai laran no promove iha expo sira hanesan iha rai li’ur.

Nia afirma uluk ita partisipa ba Expo iha Milan nia rezultadu ne’e saida, organizasaun oioin iha mundiál, governu sempre ba partisipa mais laiha rezultadu, realidade mak ita nia produsaun nafatin la sa’e,  ita nafatin politiza buat sira ne’e.

Print Friendly, PDF & Email

LEAVE A REPLY

Please enter your comment!
Please enter your name here