Home EduTek Programa Bolsa Meritu Mosu Konfuzaun Iha Publiku, MAPCOMPS: Bolsa Ne’e Ba Oan...

Programa Bolsa Meritu Mosu Konfuzaun Iha Publiku, MAPCOMPS: Bolsa Ne’e Ba Oan Sira Hetan Valor Diak

2023
0
Prezidente AFTL no aktuál MAPKOMS Francisco Martins Jeronimo. [Foto: David | 30.05.2022]

Reportajen Umbelina dos Reis

Deputadu Bankada Fretilin, Dario Madeira kestiona programa Bolsa Méritu ne’ebé atu fo ba estudante sira, ne’ebé iha kapasidade no hetan klasifikasaun I, II no III durante ezame, no husu Ministériu Edukasaun Juventude no Desportu (MEJD) nia klarifikasaun relasiona ho bolsa refere, tanba mosu konfuzaun hela iha públiku.

Deputadu ne’e dehan, oras ne’e da-dauk mosu preokupasaun boot hosi populasaun sira, relasiona ho bolsa refere. “Ha’u la hatene agora ne’e Ministériu Edukasaun iha ona kritériu ba bolsu méritu ne’e ka lae? Tanba to’o agora estudante barak ne’ebé hetan valór di’ak ne’e depois haruka tiha mai Ministériu Edukasaun, sira konfere taka sai públiku hatene ona katak ema ne’e hetan valór di’ak no rekoñesimentu. Depois segundu kuandu lista sai fila-fali ba atu loke númeru konta bankária hodi hetan osan ba sira ne’ebé hetan klasifikasaun I, II, no III, kuaze naran laiha ema seluk mak naran iha fali,”depautadu Dariu, kestiona liu hosi plenária, Tersa-feira, 24/01.

Nia dehan, bolsa méritu ne’e atu fo valor labarik sira ne’ebé hetan valor di’ak ka fo ba ema kbiit laek, tanba sei mosu konfuzaun, nia husu ba Ministériu Edukasaun atu define no klarifika di-di’ak bolsa ne’e. “Se forma méritu ba ema ne’ebé kbiit laek nia oan, entaun tenki ko’alia ida ne’e hodi labele halo ema konfuzaun tanba da-dauk ne’e konfuzaun boot iha públiku.”

“Tanba hetan bolsu méritu ne’e maioria husi sekuriti, funsionáriu no inklui povu vulneravel nia oan de’it, nune’e iha eskola Profesór sira dehan ba alunus katak, o nia aman Polísia ou securiti ona, ne’ebé o labele hetan, tanba bolsu méritu ne’e ba ema kbiit laek.”

Deputadu ne’e sujere ba Ministru Asuntu Parlamentar no Komunikasaun Sosial, bele hato’o preokupasaun ne’e ba Ministériu Edukasaun hodi rezolve lalais tanba problema ne’e kuaze teritóriu Timor laran tomak.

Ba kestaun ne’e Ministru MAPKOMS, Francisco Jeronimo hatan bolsu méritu ne’e la’os ba ema kbiit laek, tanba programa kbiit laek iha tiha ona. Program ba oan hosi veteranu kombatentes libertasaun nasional mos iha ona.

“Bolsa méritu ne’e ba oan sira ne’ebé iha kapasidade no hetan valór di’ak iha tempu ezame, sai primeiru lugar, segundu lugar, terseiru lugar. Sira iha direitu atu hetan programa bolsu méritu ne’e, la’os fali ba ema kbiit laek, tan ne’e mak ami mós presija dadus atu ba informa iha Ministériu Edukasaun hodi halo investigasaun, tanba programa bolsa méritu ne’e mós foin lalais mak aprova iha Parlamentu Nasionál,” klarifika Ministru iha plenária.

Print Friendly, PDF & Email

LEAVE A REPLY

Please enter your comment!
Please enter your name here