Home Notisia UNTL Realiza Diskusaun Café Jeneru Fó Korajen Ba Feto Partisipa Iha Setor...

UNTL Realiza Diskusaun Café Jeneru Fó Korajen Ba Feto Partisipa Iha Setor Eduksaun, Saúde No Ekonomia

854
0
Gabinete Vise-Reitora ba Asuntu Estudantes UNTL, Lígia Tomás Correia, (Foto: Joselina | 10.10.2023]

Reportajen Joselina dos Santos

Universidade Nacional Timor Lorosa’e (UNTL), liuhosi Vise-Reitora ba Asuntu Estudantís UNTL realiza programa Diskusaun “CAFÉ GENERO” ho tema “Expressão Rural” das Mulheres Académicas da Universidade Nacional Timor Lorosa’e, objetivu husi programa ne’e atu fó korajen ba feto sira iha ambitu komemorasaun loron internasional feto rural atu bele partisipa maximu iha setor Eduksau,  Saúde no Ekonomia.

Liuhosi atividade Diskusaun Programa Café Genero, Gabinete Vise-Reitora ba Asuntu Estudantís UNTL, Lígia Tomás Correia hatete, Ohin iha ambitu komemorasaun loron internasional feto rural, entun UNTL liuhusi Gabinete Vise-Reitora ba Asuntu Estudantís hamutuk ho Civitas Akademikas no estudante sira no parte hotu. Hodi halao seremonia ida ne’e objetivu atu fó korajen ba feto sira liu-liu ba feto sira iha área rural maibe tenke  espiritu hodi kontribui dezenvolvimentu nasional liuhosi sira-nia atividade oin-oin.

“Iha tinan ida ne’e ita haree kona-ba dezenvolvimentu feto rural nia kontribuisaun liuhosi parte hotu ne’ebé ita fó korajen ba sira-nia partisipasaun ho matenek no esperensia ne’ebé sira iha área tolu hanesan Edukasaun, Saúde no Ekonomia. Ne’e duni ita fó biban ba feto sira iha área rural ho espiritu forte iha ambitu komemorasaun ne’e  atu sira bele partisipa maximu hodi kontribuisaun ba área sira ne’e”, dehan, Vise-Reitora ba Asuntu Estudantís UNTL, Lígia Tomás Correia iha Salaun Auditóriu FEAH, Liceu, tersa 10/2023.

Nune’e feto rural sira bele hola parte feto nia prezensa iha komunidade sosiál nomós kultural, husi sira-nia koñesimentu no kapasidade atu bele partilla sira-nia kontribuisaun. Atividade ida ne’e uza Orsamentu Jeral  Estadu (OJE), UNTL nian nomós kategoria ho Igualdade Jéneru nian hodi hala’o programa refere, espera iha espetativa partisipasaun Civitas académicas atu bele komprende no koñese diak liu tan konseitu jéneru, tanba oradores sira ne’e mai husi SEI,  PNTL, Rede Feto no UNPAZ atu fó korajen ba feto sira.

Iha fatin hanesan, Xefe Gabinete Sekretariu Estadu Igualdade (SEI),  Francisca de Sousa hatutan, Atividade ohin ne’e SEI Feto hola parte ba iha Empoderamentu feto atu koalia kona-ba empoderamentu feto iha politika ekonomia ne’ebé foka liu ba feto rural, tanba loron 15 fulan Outumbro 2023 sei selebra loron internasional feto rural.

“Selebrasaun iha tinan ida ne’e sei halo iha Munisipu Baukau, Postu-Administrativu Venilale atu nune’e komunidade sira bele akompaña, tanba komunidade barak mak seidauk komprende kona-ba selebrasaun loron feto nian. Ho ida ne’e mak ami realiza iha área rural ho  tema Internaional mak “Feto Mak Xave  Global Hodi Hasai Mukit no Hamlaha” entaun liga ba ida ne’e Eleisaun Suku nian, no tema nasional mak “Feto Prontu Lidera Hasai Mukit no Hamlaha” nia salenta.

Print Friendly, PDF & Email

LEAVE A REPLY

Please enter your comment!
Please enter your name here