Reportajen Silvino Freitas
Ajénsia nasoens unidas UNFPA apoiu materiál emerjénsia dezastre naturál nian ba Servisu Nasionál Ambulánsia no Emerjénsia Medikamentu (SNAEM) hodi responde ba situasaun emerjensia ba risku dezastre natural nian maka kadeira tenda ba munisipiu 5 hahu ona Ainaro no Covalima no Dili no munisipiu seluk sei distribui hotu iha fulan jullu nia rohan.
Reprezentante UNFPA iha Timor-Leste Pamela Hain dehan, ekipamentu neebe UNFPA apoiu ba SNAEM nee hodi responde ba situasaun emerjensia nunee ekipamentu sira maka tenda kiik ho boot jerador kadeira sasan halimar ba labarik sira, neebe ohin hahu ona distribui ba Ainaro ho Covalima no sei kontinua distribui hotu iha fulan jullu nia rohan hodi responde ba situasaun emerejensia iha munisipiu 5 nian maibe ba munisipiu Dili nian simbolikamente entrega kadeira ho tenda ba director jeral maibe restante nee entrega deiretamente ba munisipiu 5 neebe ho nia total item 35.
“dadaun nee fundu nee atu distribui deit ba munisipiu 5 neebe afetadu tebes tanba inundasaun iha fulan jullu 2023, produtu sira nee ninia aprovizionamentu hahu iha 2023 sasan sira too iha 2024 foin distribui iha tinan ida nee espera katak mezmu foin distribui maibe sasan nee sei bele utilize ba situasaun emerjensia saida deit maka akontese iha rai laran liu liu iha munisipiu 5 nee” dehan Reprezentante UNFPA iha Timor-Leste Pamela Hain iha SNAEM Kaikoli, (22/07).
Nia dehan tan, ekipamentu neebe fo ba SNAEM nee hanesan akipamentu emerjensia nian maibe UNFPA mos hetan fundu husi governu Japaun Portugal Tailandia halo mos konstrusaun kompra ekipamentu nomos halo renovasaun ba maternidade 20 neebe atu haforsa sentru kuidadu emerjensia obstretrika no neonatal baziku iha tinan 2025 no tinan oin mai tan, nunee mos fo kapasitasaun ba emerjensia liuhusi treinamentu ba pakote servisu minumu ka MSP nomos apoiu ministeriu saude iha diresaun nasional maternal saude infantil atu bele responde ba situasaun emerjensia nian.
Fatin hanesan Diretór Jerál SNAEM Simplicio Amaral dehan, esperansa SNAEM nian maka ho apoiu husi UNFPA nian laos too iha nee deit no ba munsipiu 5 deit maibe sira mos bele apoiu nafatin munisipiu seluk neebe afeta husi risku ba desastre natural nian.“agradese tebes ba ekipamentu neebe ita nia parseiru husi UNFPA fo mai SNAEM hanesan diresaun neebe responde ba kulaker situasaun saude publika no dezastre neebe akontese iha timor” dehan Simplicio ba jornalista sira hafoin simu akipamentus husi UNFPA
