Home Notisia SEJD Sei Halo Programa Empreendedorismu Sosiál Ba Suku 29 Iha Manufahi

SEJD Sei Halo Programa Empreendedorismu Sosiál Ba Suku 29 Iha Manufahi

858
0
Administrador Manufahi ho SEJD halo enkontru. [Foto: David |11.08.2021]

Reportajen David da Costa Gusmao

Sekretariu Estadu Juventude no Desportu (SEJD) afirma sei lori programa empreendedorismo sosiál ba juventude suku 29 iha Munisípiu Manufahi, ho objetivu atu lori joven sira ba hare setór produtivu sira.

“Ita sei lori programa empreendedorismo ba suku 29 iha Manufahi, atu nune juventude sira bele dezenvolve setór produtivu iha sira nia suku,” dehan Sekretariu Estadu Joventude mo Desportu, Abrao Saldanha ba jornalista hafoin remata ekontru ho Prezidente Autoridade Munisipiu Manufahi, Tersa 10/8.

Nia haktuir Iha oportunidade ne’e mos informa konaba jogu eskolár no jogu komunitáriu ne’ebe mak  iha tempu badak nia laran sei hala’o iha postu administrativu Alas, Same no Turiskai. Alende ne’e SEJD mos sei monta unidade serbisu hodi monta joven nain rua, atu ajuda administradór iha postu no suku, nune’e aban bainrua bele ajuda administrasaun lokál, bele kria programa no dezenvolve atividade desportu iha postu no suku.

Iha fatin hanesan Administradór Munisipiu Manufahi, Arantes Isaac Sarmento hateten programa ne’e diak no importante ba joven sira.

“Hanesan servidór nu’udar povu ida iha munisípiu kuaze vizita 29 suku, no 137 aldeia mak vizita hotu ona, ko’alia direita ho autoridade no joven, no mos joven sira nia preokupasaun ne’ebe mak iha ne’e, laos deit ba futeból, hau tenke fo bola ho farda, joven sira iha preokupasaun oinsá mak joven bele involve direita di’ak ba dezenvolvimentu ne’e rasik, no joven bele sai na’in ba dezenvolvimentu ne’e,” nia esplika.

Nune’e nia dehan joven sira presiza formasaun, oinsá atu bele prepara joven sira, bele hola parte iha atividade produtivu sira, liu-liu iha setór agrikultura, turizmu no indústria.

Print Friendly, PDF & Email

LEAVE A REPLY

Please enter your comment!
Please enter your name here