Home EduTek ME La Ezekuta Rezolusaun PN, Eis Professor Kontratadu Sei Halo Asaun Greve...

ME La Ezekuta Rezolusaun PN, Eis Professor Kontratadu Sei Halo Asaun Greve to’o 30 Setembru

405
0
Manorin kontratadu sira halo asaun protesta iha ME. [Foto: Juvinal | 08.07.2024]

Reportajen Juvinal Cabral

Objetivu Ohin eis-professores kontratadu 2023 iha edifisiu Ministeiru Edukasaun (ME) ne’e bazeia ba karta ne’ebé sira envia ba komandu jerál no komandu munisípiu Dili. Katak sira mai halo konfirmasaun hahú dia 8 too dia 30 de Setembru, karta ida ne’e sira envia mós ba prezidenti Parlamentu Nasionál.

“Ami mai atu konfirma rezolusaun ne’e, bainhira mak ME atu implementa rezolusaun parlamentu nasional (PN) nia ne’e. Maibé resposta ne’ebé ami hetan mak dehan sira mantein dekretu lei, entaun ami konsidera katak desizaun la iha,  rezolusaun PN nu’udar orgaun soberania ida ne’ebé aas liu. PN mak halo lei no fiskaliza lei no fiskaliza programa governu. Tanba ne’e ami konsidera desizaun ne’e la razoavel no la resposta ba ami nia ezizensia , tanba ne’e hahú ohin ami sei mantein han, hemu no toba iha ne’e too dia 30 Setembru hodi hetan solusaun ba rezolusaun PN nia.” Dehan porta-voz eis-professores kontratadu Agostinho Pinto, iha resintu Ministeiru Edukasaun Villa-Verde 08/07/2024.

Porta-voz ne’e hatutan iha dia 3 Jullu ne’e sira hasoru ona Primeiru Ministru (PM) iha resintu Palacio do Governo (PG), maibé PM haruka sira lori rezolusaun ba ME hodi rezolve ne’ebé karik ME la iha ona kapasidade di’ak liu hato’o karta demisaun ba PM atu rezolve problema ida ne’e.

“Too ohin loron ami ezizensia tanba profesór kontratadu nu’udar estatutu ajente too ohin loron seidauk simu karta notifikasaun ruma kona-ba ami nia sala , tuir lei Komisaun Funsaun Publika (KFP ) artigo 80 katak iha sala ruma tenke hato’o karta notifikasaun ba ami, tanba ne’e tuir ita nia konstitusaun tuir lei sira ami sente katak PN la viola no ami mós la viola, tanba ne’e ami sei nafatin mantein iha ne’e too hetan solusaun, ami sei la retira husi fatin ne’e.” Porta-voz deklara

Nia salienfa tanba ne’e sira sei buikota tomak bolsa kandidatu ne’ebé sira sei loke iha KFP, ne’ebé husu ba KFP tenke sai neutralidade parsialidade hodi asegura funsionamentu funsionariu públiku iha Timor-Leste.

“Ami hanoin katak Parlamentu Nasionál la Soran profesór ho ME, Parlamentu mak iha poder polítika, tanba ne’e ami ohin mai hamrik iha ne’e mós la’ós defende ami nia direitu de’it maibé defende mós dignidade PN iha nasaun ida ne’e iha mundu internasionál. Tanba PN mak hamoris Governu, sustenta Governu nia programa.”

Iha fatin hanesan porta-voz ME hatan ba eis-professores kontratadu sira nia preukupasaun katak pontus importante ne’ebe ohin porta-voz hatoo mai, ministeiru hakarak deklara katak ministeiru edukasaun (ME) halao nia funsionamentu   bazeia ba leis no dekreitu lei.

“Ministeriu Edukasaun mantein pozisaun bazeia ba dekretu lei 31 de Maio 2023. Nune’e husu ba eis professor kontratadu sira atu kontribui ba edukasaun Timor-Leste iha futuru tuir prosesu legal tomak atu nune’e ita hotu asegura kualidade edukasaun” dehan porta-voz  ME Filepe Rodrigues Perreira iha Edifisiu Villa-Verde 08/07/2024.

Print Friendly, PDF & Email

LEAVE A REPLY

Please enter your comment!
Please enter your name here