Reportajen Umbelina dos Reis
Observadores Internasional hosi Misaun Observasaun Eleitoral (MOE), membru orgaun Juridisionais Administrasaun Eleitoral, Comunidade dos Países de Língua Português (ROJAE-CPLP), hato’o sira nia reportajen observasaun durante eleisaun Parlamentar 2023. Semináriu Internasional ne’e promulga hosi komisaun nasaun Timor-Leste atu hametin pas no estabilidade demokrátiku.
Liu hosi Konferénsia Imprensa, Xefe Misaun observasaun eleitoral Cristina Leito hateten, atu ezerse sira nia direitu ba vota hosi membru Vise-Prezidente Komisaun Nasional Eleisoens hamutuk observadores na’in 13 hosi nasaun Cabo-Verde, CPLP, Angola, Brasil, Moçambique, Portugal inklui São Tomé e Prínsipe. Sira hala’o servisu ho misaun formal husi loron 17 fulan maiu no kuaze total observasaun hotu iha loron 24 de Maiu la prejuizu ba periode anterior ho membru orgaun jurisdisaun administrasaun eleitoral ho países CPLP akompaña halo avaliasaun ba prosesu eleitoral.“Semináriu internasionál ne’ebé promulga hosi komisaun eleisaun nasaun Timor-Leste nian, atu hametin pas no estabilidade iha demokrátiku konstrusaun estadu, durante ne’e hetan oportunidade atu aprezenta rona no diskute dezafiu prinsipál sira ne’ebé órgaun administrasaun eleitoral sira hasoru iha prosesu eleitoral sira iha CPLP no ASEAN.” Dehan Cristina Leito observador hosi ROJAE-CPLP, liu hosi Konferénsia Imprensa, iha Ótel Novu Turismu, 23/05.
Nia dehan, atu observa servisu sira ne’ebé hala’o iha loron votasaun, MOE- ROJAE forma ekipa neen ne’ebé hala’o iha Munisipiu 6 (neen) iha Munisipiu Dili, Aileu, Baucau, Ermera, Likisa, no Manatuto.
“Ekipa neen observa liu sentru votasaun 50 no estasaun votasaun iha ne’ebé votante rihun ba rihun rejista no hetan oportunidade, atu monitoriza abertura no taka votasaun no mós prosesu votasaun hosi sentru votasaun oin-oin, no estasaun iha sentru votasaun hotu no estasaun votasaun sira ne’ebé observa iha munisípiu sira ne’ebé vizita no verifika.”
