Home Notisia Superintendente Xefe Mateus: Informasaun Labarik Topu Honis halai Hosi PNTL, Ne’e La...

Superintendente Xefe Mateus: Informasaun Labarik Topu Honis halai Hosi PNTL, Ne’e La Los

2425
0
Richard Daschbach iha tribunal Oecusse (Foto: observador.pt)

By Ato Lekinawa Costa

Notisia diariutimorpost.com horiseik (12/03), hatete katak labarik sira halai namkari hosi PNTL bainhira PNTL nain 4 ba vizita labarik sira nia fatin, iha Topu Honis, Kutet, 10/03. Komandante PNTL Oecusse, Mateus Mendes hatete katak informasaun ne’e la los.

“Informasaun dehan labarik sira halai namkari hosi polisia ne’e la los”, Komandante PNTL Oecusse, Mateus Mendes esplika via telefone ba Neon Metin, ohin (13/03).

Mateus mos haktuir katak polisia laos ba duni labarik sira. PNTL ba Kutet lori informasaun hosi Prokurador.

Desmente tiha informasaun ne’ebe publika iha diariutimorpost.com ne’e Komandante Polisia ne’e esplika kona ba lalaok akontesementu.

“Ministeriu Publiku, liu hosi  Dr Matias mak husu atu PNTL ba hato’o hela informasaun ba labarik balun iha Orfanatu Topu Honis. To’o iha ne’eba, Senhora ida naran Lili mak hasoru koalia ho polisia no dehan katak labarik sira ba hili ai. Senhora Lili mak koalia duni ho polisia nain 4, kompostu hosi VPU nain 2 no Unidade Investigasaun nain 2. Polisia sira tur hein oras 3 nia laran, no Senhora Lili mos dehan ba bolu labarik sira maibe nia mos la fila mai”, Mateus esplika lalaok akontesementu.

Komandante ne’e mos esplika katak Prokurador Dr Matias mak husu rasik ba membru PNTL nain 4 atu ses hosi fatin ne’e maibe tenke iha sasin ruma. Nune’e Xefe Aldeia Mahata mai mak mak polisia sira ses an.

Neon Metin labele hetan informasaun loloos kona ba sa informasaun mak Prokurador husu PNTL lori ba tanba lei la fo dalan ba Prokurador atu koalia sai informasaun ne’e.

Kazu Topu Honis mak nudar kazu pedofilia ne’ebe mosu ba publik dahuluk iha Timor-Leste, involve eis-Padre Richard Dascbach hosi kongregasaun SVD nian. Ho rezultadu investigasaun Kongregasaun Dutrina ba Fe nian iha Vatikanu, Amo Papa Francisco hasai tiha ona Richard Dascbach nudar padre iha tinan 2018. Eis-Padre ne’e agora dadaun tuir hela prosesu justisa ho kondenasaun kazu pedofilia, pornografia ba labarik, no violensia domestika.

Conferência Episcopal Timorense (CET), fulan Janeiru liuba hasai komunikadu ida, asinadu hosi Presidente CET, Bispo Norberto do Amaral, hatete katak Sr. Richard Daschbach laos ona padre tuir desizaun Amo Papa nian.

“Richard Daschbach hetan tiha ona sentensa hosi doutrina da fe. Prot. No 208/2018-67069, 6 de Novembro 2018, hosi Amo Papa Francisco katak Richard Daschbach laos ona padre maibe nudar leigo”, karta komunikadu CET ne’e esplika.

Prokurador Jeral, Jose Ximenes, tuir notisia Lusa nian (22 Fevereiru 2020), hatete katak Ministeriu Publik husu sentensa ba amo ne’e ho tinan 10 ho indeminizasaun ba vitima $48,000. Investigasaun halo tinan 1 resin ona. Richard Daschbach hetan kaer no kastigu tiha hafoin hetan interogasaun hosi polisia, iha Abril 2019. Agora dadaun Richard Daschbach kontinua hetan TIR hodi hein prosesu justisa tuir mai. Iha notisia hanesan vitima sira hatete katak sira sai tarjetu ba ameasa tan relata kazu abuzu sexual mak Richard Dascbach halo ba sira.

Print Friendly, PDF & Email

LEAVE A REPLY

Please enter your comment!
Please enter your name here