Home Notisia Joven Mane 1 Deziste Hosi Rekrutamentu Militar

Joven Mane 1 Deziste Hosi Rekrutamentu Militar

897
0
Xefe Estadu Maiór Jenerál Falintil- Forsas Defeza Timor-Leste (F-FDTL), Tenente Jenerál Lere Anan Timur. [Foto: Santina | 11.08.2021]

Reportajen Santina Lucia da Costa

Joven 600 rekrutadu ba F-FDTL. Hosi numeru ne’e nain 1 deziste ona tan la toman ho situasaun militar nian. Joven mane ida nebe deziste ne’e iha idade 20 resin husi Munisipiu Lospalos.

Tenente Jenerál, Lere Anan Timur, haktuir, Joven mane ida idade 20 tal husi Lospalos nian, deziste tanba la toman situasaun Militar  no labele aguenta, sistema Militar.

“Rekrutamentu hahu ona iha loron rua ka tolu liu ba, sira simu farda, to’o agora buat hotu di’ak, ida mak dezisti tanba la toman situasaun militar ne’e mak hau sei hasai diritiva ida ba rekrutamentu hotu-hotu, dentru loron 30 ema labele sei deziste, depois loron 30 ba leten o mate de’it ona iha Forsa nia laran, ita labele mai halimar fali ho instituisaun. To’o agora hau rona ida mak husu ninia rejignasaun tanba nia la aguenta, sistema militar.” Deklara, Xefe Estadu Maiór Jenerál F-FDTL, Tenente Jenerál, Lere Anan Timur, iha Palasiu Prezidensial, Nicolau-Lobato, Bairu-Pite, 6/10.

Tenente Jenerál, dehan, ne’e lisaun ida ba joven sira seluk, se mak labele rekuza kedas prinsipius labele mai okupa fali ema seluk nia fatin, seidauk to’o fulan ida, instrusaun seidauk la’o, entaun bele avansa fali ida para kompleta fali 600.

Totál kandidatu ne’ebé selesionadu hamutuk  600, inklui postu ofisiál 92, sarjentu 157 no prasa 351, entre totál ne’ebé iha, kandidatu feto hamutuk na’in 78 kompostu hosi postu ofisiál kandidatu na’in 6, sarjentu 24 no prasa 48.

Print Friendly, PDF & Email

LEAVE A REPLY

Please enter your comment!
Please enter your name here