Home Memoria Saudoso Lasama Hanoin Hikas Saudoso Bedino Guteres Nia Mate

Saudoso Lasama Hanoin Hikas Saudoso Bedino Guteres Nia Mate

749
0
Saudoso Kompaneiru Bedino Guterres (Foto: Elyo Mth Mitho)

John Stanmayer, Fotografer ne’ebe hasai foto iha momentu ikus saudoso Bedino nia mate, haktuir saida mak akontese. Nune’e mos saudoso Lasama, bainhira hakerek nia Chapter iha ba livro Out of the Ashes, konta uituan kona ba Bedino nia mate. Bedino Guterres nia mate husik hela memoria aten brani, memoria militansia, memoria luta informasaun nian.

“iha 26 Augusto 1999, tempu ba Pro-Otonomi sira halo sira nia kampanne. Sira hahu konvoi hosi Kantor Gubernur hodi insulta ema iha dalan, no tuda fatuk ba uma no ema sira mak sira hetan. Iha Kuluhun, joven ho habitantes responde ba insultu no ataka hosi Pro-Otonomi nian hodi halo kontra ataka. Saida mak akontese tuir mai, situasaun sai aat liutan, laos deit tuda malu no insulta malu. Brimob (forsa polisia Indonesia nian) tiru arbiru ba joven no ema sira mak besik ho kilat otomatik. Momentu ne’e sira konsege oho ema nain tolu, inklui Bedino Guterres, militante RENETIL, Reporter Radio Matebian no Jornalista Vox Populi. Bedino nia mate isin labele hakoi ho didiak, hanesan ema sira seluk ne’ebe mate iha tempu dame. Feto ho labarik sira mak lori Bedino nia mate isin, mene sira labele ajuda tanba military Indonesia no Milisia Pro-Otonomi hobur hela fatin akontesementu. Jornalista internasional no mor jornalista hosi Indonesia mak haree eventu ne’e hetan intimidasaun hosi polisia. Liu tiha loron balun, Sede RENETIL nian, iha Vila Verde hetan ataka, lakleur deit Dili sai sidade mate ida.” Saudoso Lasama konta hikas Saudoso Bedino Guterres nia mate iha ninia Chapter ida ba livro Out of the Ashes.

“Bedino ai tanan deit, nia kaer hela fatuk rua iha nia liman hodi proteze nia an hosi milisia. Nia halai ba husu grupo Polisia Brimob ida mak besik hodi proteze nia hosi milisia. Sira la halo buat ida, sira ignora nia. Nia husu ho haraik-an tebes, maibe Polisi hahu tuku no tebe nia. Nia halai ses hosi sira, halai mai hosi hau nia oin. Bainhira nia halai liu hau nia oin, Polisia tiru mate Bedino.”John Stanmayer haktuir iha notisia Time Asia, iha tinan 2000.

Nia mos hatete katak hafoin ida ne’e, Polisia Indonesia nota ona nia prezensa, bainhira imajen sira mosu iha Time no CNN, John tenke husik hela Timor-Leste tanba potensia ameasa mak makas tebes.

“Hau hanoin Bedino lor-loron. Hau hakarak ema hotu la haluha Bedino nia la tauk ba mate. Nia mos hanesan ita sira hotu. Loron ida, ita mos presija luta ba ita dereitu baziku nudar umanu. Ita espera katak sira ne’ebe loloos ne’e atu proteze ita, sei la oho ita,”John konfesa.

Saudoso Lasama mos haktuir katak iha 4 Setembru, loron sabdu, rezultadu Referendum anunsia ona, momentariamente ema hotu selebra ho haksolok, tanis no hakoak malu hodi selebra. Maibe lalais deit. Hafoin ida ne;e sira hotu nonook tanis hodi hanoin hikas heroi sira mak lakon ona sira nia moris iha luta ba ukun rasik an. Hau so bele espera katak iha ita nia esforsu sira hotu hodi harii nasuan foun ida ne’e, ita la halo traisaun ba sira

Iha 2017, Konsellu Imprensa fo sertifikadu de onra ba Saudoso Bedino (Joaquim Bernadino Guterres), Reporter Radio Matebian no Jornalista Vox Populi, hamutuk ho jornalista nasional no internasional sira seluk, inklui Roger East (Australian Associated Press), Malcolm Harvie Rennie (TV.Chanel 9), Francisco Borja da Costa, Gregory John Shackleton (TV.Chanel 7), Gary James Cunningham (TV. Chanel 7), Brian Raymond Peters (TV. Canel 9), Anthony John Stewat (TV. Canel 7), Kamal Ahmed Bamadhaj (Columnist for Asian Time), Sander Robert Thoenes (Financial Times).

 

 

 

LEAVE A REPLY

Please enter your comment!
Please enter your name here