Reportajen Francisco JDA
Komandante Unidade Polísia Miritima ( UPM ) Suprentendente Asistente Bazilio de Jesus ba Jornalista hatete katak, UPM kontinua halo seguransa ba perfurasaun mina Iha Suai, tanba Iha Suai mós iha portu ida entaun unidade UPM kontinua asegura ekipamentu hosi kompania Timor Resources ne’ebé atu halo perfurasaun Mina.
Komandante UPM Suprentendente Asistente Bazilio dehan, seguransa UPM iha terenu hodi asigura ekipamentu ne’ebé mai hosi estranjeiru hahú kedas iha 2020 too agora.
“Ha’u orienta fo seguransa maximo ba ekipamentu sira ne’e, hodi nune’e ekipamentu sira ne’e labele hetan estragus hosi ema sira ne’ebé mak la iha responsabilidade. Ha’u orienta tan atu asu de’it mós labele book sasán sira ne’e, satan ema, signifika UPM fo seguransa maximo ba sasán sira ne’e” hateten Komandante UPM Suprentendente Asistente Basiolio de Jesus iha Nia knaar fatin, Lecidere,07/10.
Komandante UPM ne’e Sublina tan, mesmu kondisaun ba membru sira iha Postu Suai Loro toba fatin moos la too, uma kiik ida ba ema 18, no la iha Roo atu halo movimentu iha parte súl. Maibé ida ne’e la hamate espiritu nasionalismu atu halo seguransa ba atu asegura ekipamentu no movimentu ne’ebé liu hosi via maritime.
“Ita tau ona postu iha Suai Loro desde 2014 seidauk iha roo ida hodi apoio ou kontrola parte tasi súl. Ita Roo la iha maibé lao ain de’it hosi tasi ibun ba tasi ibun hodi bele asegura no monitoring atividade karik akontese ilegal ruma maibé ita roo seidauk iha ” hatete komandante UPM Suprentendente Asistente Bazilio de Jesus.
