Home Meio Ambiente Komunidade Dili Kada Loron Produz Lixu 250 Ton, 55% Ba Tibar, 45%...

Komunidade Dili Kada Loron Produz Lixu 250 Ton, 55% Ba Tibar, 45% Ba Valeta no Tasi

682
0
Lixu namkari besik fatin soe lixu (Foto: GMN)

Reportazen Francisco JDA

Lixu kontinua sai problema boot iha sidade Dili, tanba komunidade barak sedauk iha konsiensia hodi tau lixu iha nia fatin, no bele hamosu moras saude publika nian, maske governu iha ona politika ba meio ambiente nian, hodi kombate lixu.

Hafoin Ministru Administrasaun Estatal (MAE) hodi diskute asuntu lixu ho deputadu sira,  tuir dadus hosi MAE hatudu katak sidade Dili kada sidadaun ida produz lixu 0,7 kilograma ne’ebé mak ho habitantes iha Dili atinji ona 466 mil no produz lixu kada loron 250 toneladas, hosi ida ne’e 55 % mak transporta ba Tibar no 45% lixu seluk ba hotu valeta no tasi no inklui fatin sira seluk.

Ministro Admistrasaun Estatal, Miguel Pereira de Carvalho iha nia intervensaun iha Parlamentu Nasional hateten Autoridade Municipiu Dili iha Kamioneta hamutuk 49 mak kada loron tula lixu sira ne’e, maibé governu mós iha planu sei kontrata tan kompania rua atu ba tula lixu hosi Dili Leste no Oeste, maibé se komunidade sira soe lixu la tau nia fatin, sei selu multa tanba dekretu lei preve tiha ona .

“Planu ida hosi governu nia atu hahú implementa lalais liu Dezembro tinan ne’e, hodi garante katak poluidor sira tenki selu taxa de lixu no taxa de lixu, tanba iha ona dekretu lei ida nu.3/2017 para atu sidadaun sira ne’ebé mak hela iha Dili, hetan atendimentu rekolla lixu hosi Autoridade Municipal Dili tenki selu taxa ida ne’e”, hatete Ministru Miguel Pereira de Carvalho iha PN,16/02

Ministru Miguel Carvalho reforsa tan katak iha Dezembro governu nia espektativa boot mak atu troka ona sistema gestaun lixu iha Dili, sei tau kontentores de Lixu  besik 5 mill ho dimensaun la hanesan  mak 110 litrus to’o 4 mill litrus iha fatin diferente, para ema bele ba soe lixu sira.

Ministru akresenta katak iha tinan 2020 lixu ne’ebé produz iha Dili laran hamutuk 250 toneladas lixu, 33% mak aitahan sira, 18% mak garavas ka plastiku no 18% seluk ne’e surat tahan ka papers sira no seluk mak hahán restu sira.

Maibé nia dehan besik 55% ne’e lixu resiklazen no governu halo ona ho entidades sira, hodi bele garante fatin resiklazen, hodi halo koleksaun ezemplu iha Kolmera, Motael no Kaikoli maibé lixu sira ne’e resiklazen tiha no atu ba faan iha ne’ebé, governu sei tau iha planu no fo prioridade ba lixo resiklajen sira sei lori ba estranjeiro.

Print Friendly, PDF & Email

LEAVE A REPLY

Please enter your comment!
Please enter your name here