Home Notisia Rezultadu Enkontru Entre Lider Istoriku ho PR, Lu Olo: EA Hanesan Rekursu...

Rezultadu Enkontru Entre Lider Istoriku ho PR, Lu Olo: EA Hanesan Rekursu Ikus Liu

3236
0
Prezidente da Republika hamutuk ho lider istoriku sira iha palacio prezidensia. [Foto: Francisco JDA | 10.02.2020]

Reportazen Zevonia Vieira

Prezidente da Republika, Dr. Francisco Guterres Lu Olo halo dialogu ho lider istoriku sira, iha palacio prezidensia, loron 10/02. Hafoin remata enkontru ne’ebe lao durante oras neen nia laran, ba jornalista sira Prezidente da Republika hatoo ba jornalisa sira, ba povu Timor-Leste tomak katak hahu iha loron 20 Janeiru, Prezidente da Republika assume tomak situasaun politika, ne’ebe mak mosu iha Parlmentu Nasional, bainhira Parlamentu Nasional la husik Orsamentu Jeral Estadu nian liu, “nune’e hau promove dialogu ho Partidu Politiku sira, ho nia lider bankada sira, ho mos sosiadade sivil sira, ho relijiozas sira, ho ema barak ne’ebe mak hau simu iha fatin ida ne’e, hodi rona sira nia hanoin konaba situasaun politika ne’ebe agora dadauk atravesa ita nia rain”, tenik PR Lu Olo.

Prezidente Lu Olo hatutan katak ohin loron Prezidente da Republika, haksolok konvida  lider istoriku sira, ho mos maun Xanana Gusmao para sira hotu mai iha reuniaun ida ne’e, atu hau bele rona direitamentu sira nia opiniaun konaba situasaun politika ida ne’e.

“Pontus importante sira ne’ebe mak koalia iha reuniaun ida ne’e mak pontu primeiru eleisaun antesipada hanesan rekursu ikus liu, segundu maka partidu politiku sira ne’ebe mak iha asentu parlamentar, sira hotu tenke halo movimentu politiku, oinsa mak atu bele dezenha sira nia opiniaun no hakarak atu bele hetan solusaun ba impase politiku ida ne’e, terseiru lugar Taur Matan Ruak sei mantein nafatin nudar Primeiru Ministru ba VIII Governu Konstituisional to’o ate hetan solusaun ba impase politika ne’ebe akontese iha ita nia rain”, hateten Lu Olo

Ba jornalista Xefe Estadu mos hateten, halo dialogu ida ne’e, hodi buka solusaun ida ne’ebe diak liu bai ta nia rain, liu hosi pelumenus hanoin diak hosi lider sira hotu, para ita atu bele ultra pasa situasaun ida ne’e.

“Prezidente da Republika nia vontade mak ida ne’e duni, no hau kontente tanba maun sira ohin sira bele simu hau nia konvite ida hodi mai hasoru malu hau hau”, deklara Lu Olo

 

Print Friendly, PDF & Email

LEAVE A REPLY

Please enter your comment!
Please enter your name here