Home EduTek APFTL Aprezenta Asaun Annual, Zaulino: Lori Jovem Sai Siviku no Saudavel

APFTL Aprezenta Asaun Annual, Zaulino: Lori Jovem Sai Siviku no Saudavel

684
0
Prezidente APFTL, Zaulino Gomes da Silva. [Foto: Adalgisa Pereira | 16.02.2021]

Reportazen Adalgisa Pereira

Alumi Parlamentu Foinsa’e Timor-Leste (APFTL) halo asembleia jeral, hodi halo aprezentasaun ba planu estrategia durante tinan 5 no planu asaun anual ba membru hotu atu halo debate no diskusaun  antes halo aprovasaun .

Prezidente APFTL, Zaulino Gomes da Silva hateten objetivu prinsipal hisi asembleia jeral mak membru hotu atu hatene organizasaun ne’e nia ezistensia atu halo saida deit no lori benifisiu saida ba joven sira.

“Hau fo jeral deit katak oinsa lori joven ida sai saudavel ,siviku, joven ida ne’ebe kritiku no aprezenta nia solusaun, no ita hanoin ona oinsa atu fo espasu adekuadu ba joven sira atu espresa sira nia talentu no kriatividade sira.  Durante ne’e joven barak iha talentu no kriatividade maibe laiha espasu ba atu espresa no ita tau prioridade hodi tau mos espasu”, dehan Prezidente APFTL iha Ministeriu Solidariedade Sosial no Inkluzaun, Kaikoli 16/02.

Nia hatutan katak iha palnu ida ne’e oinsa lori joven sira hodi hakribi droga, alko, tabaku, no oinsa lori joven sira asesu internet ho saudavel, labele insulta no defamasaun iha media sosial,  lori joven sira atu hadook-an hosi relasaun sexual no isin rua ho minoridade,  lori joven sai siviku no joven tenke hakribi kona ba violensia no sensivel ba jeneru trata ema hanesan no ema hotu iha valor .

“Jovem ne’ebe diak tenke kritiku no aprezenta solusaun, labele kritika deit maibe kritika bazeia ba evidensia no iha baze dadus, atu nune bele influensia dezisaun politika sira nian atu halo interevensaun ba probelema espesial sira”, dehan Prezidente APFTL

Papel APFTL nia mak oinsa lori joven ida sai siviku saudavel no sai sidadaun ida ne’ebe diak no jovem sira tenke orgullu nudar ema timoroan

Iha asembleia jeral ne’e partisipa husi menbru Alumi Parlamentu Foinsae Timor-Leste (APFTL) no reprezentante Sekretariu Estadu Juventude no Despotu (SEJD)

Print Friendly, PDF & Email

LEAVE A REPLY

Please enter your comment!
Please enter your name here