Home Notisia FONGTIL Husu Governu Fasilita Drone Ba PNTL no F-FDTL Kontrola Fronteira

FONGTIL Husu Governu Fasilita Drone Ba PNTL no F-FDTL Kontrola Fronteira

216
0
Diretor FONGTIL, Daniel Santos do Carmo. [Foto: Bernard da Costa |16.02.2021]

Reportaze Bernarda da Costa

Relasiona ho numeru COVID-19 ne’ebe aumenta iha Timor-Leste, liu hosi konferensia imprensa,  Forum ONG Timor-Leste (FONGTIL) husu governu liu husi Ministeriu Interior no Ministeriu Defeza atu fasilita teknolojia drone ba membru PNTL no FFDTL sira iha fronteira, hodi assegura no kontrola movimentu tama illegal iha fronteira.

Diretor FONGTIL, Daniel Santos do Carmo hateten lampra deit mos susar ba forsa sira atu uza hodi patrulla,  ekipamentu rasik ba forsa sira mos sei iha limitasaun, tanba ekipamentu ba forsa sira atu halo kontrola, tamba ne’e maka ezije governu atu fasilita drone hanesan teknologia ida, hodi ajuda forsa sira oinsa mak bele detekta ema ruma ne’ebe mak iha intensaun atu halo movimentu illegal.

“Ami hanoin katak envolvimentu komunidade, oinsa komunidade sira iha linha fronteira bele serbisu hamutuk ho ita nia forsa, laos komunidade mak atu ba kaer ema, maibe oinsa maka bele kolabora fo informasaun hodi asegura movimentu ilegal sira ne’ebe tama sai”, dehan Daniel liu husi konferensia imprensa iha salaun FONGTIL,Kaikoli,10/02.

Nia haktuir  situasaun iha fronteira, se wainhira ema hotu laran metin ba PNTL no FFDTL ne’e susar tebes, atu kontrola fronteira presiza envolvimentu komunidade no autoridade komunitariu atu ajuda fo informasaun, tamba forsa sira labele halo vizilansia total no asegura 24 horas iha fronteira ne’ebe ho ninia geografikamente luan no area ne’ebe dala ruma la to’o ba forsa sira atu kontrola.

Print Friendly, PDF & Email

LEAVE A REPLY

Please enter your comment!
Please enter your name here