Home Meio Ambiente Impaktu Hosi Inundasaun Dili Nakonu Ho Rai Rahun, Engraffamento Akontese Iha Parte...

Impaktu Hosi Inundasaun Dili Nakonu Ho Rai Rahun, Engraffamento Akontese Iha Parte Bairo-Pitte

178
0
Polisia transitu kontinua atura transporte sira ne'ebe halo movimentu iha area Bairo-piite. [Foto: Zevonia Vieira | 16.03.2020]

Reportazen Zevonia Vieira

Udan boot no inundasaun ne’ebe akontese iha sesta semana kotuk, hamosu rai rahun no tahu iha fatin sira iha Dili laran.

Bainhira Neon Metin halo observasaun direita iha Palacio Prezidente Ai-tarak laran, ekipa hosi Polisia Nasional Timor-Leste [PNTL] hamutuk ho fungsionariu Palacio Prezidensia nian halo limpeza hodi dasa moos tahu iha area Palacio Prezidensia.  

Impaktu hosi dalan sira ne’ebe mak tenke taka, hodi nune’e sira bele hamoos estrada refere, hamosu engraffamento ne’ebe akontese iha area Bairopite to oras ne’e.

Polisia serbisu transitu nian, halao sira nia serbisu hahu hosi tuku 7.00 dader to’o agora, hodi organiza transporte sira ne’ebe mak halo movimentu.

Observasaun Neon Metin hatudu katak hosi Bebora tesik mai Bairopite akontese engraffamento iha fatin refere, no hamosu mos rai rahun ne’ebe mak halo komunidade sira hela besik iha dalan Bairo- pitte sente la hakmate.

Neon Metin halo entrevista ho komunidade ne’ebe faan modo iha ponte Maloa, Marta da Conceicao haktuir katak, hahu hosi dader to’o meudia ne’e, movimentu kareta numeru sae maka’as, rai rahun mos barak, sente la hakmatek faan sasan iha ne’e.

“Hosi dader to’o oras ne’e, ami han rai rahun barak, depois kareta mos barak los, dalan macet los, Polisia transitu sira kontinua atura kareta ho motor sira hosi dader kedas”, hateten Marta, 16/03.

 Impaktu hosi dalan ba iha area Palacio Prezidensi nian ne’ebe taka, publiku sira neebe uza motor ho kareta, tenke uza dalan ida deit  tesik ba iha Bebora, ho ida ne’e rezulta engraffamento.

LEAVE A REPLY

Please enter your comment!
Please enter your name here