Home Notisia SEPS Akumula Dadus Ba Vitima Inundasaun, Hodi Responde Nesesidades Emerjensia

SEPS Akumula Dadus Ba Vitima Inundasaun, Hodi Responde Nesesidades Emerjensia

237
0
Sekretariu Estadu Protesaun Sivil [SEPS], Alexandrino Araujo. [Foto: Santina Lucia da Costa | 17.03.2020]

Reportazen Santina Lucia da Costa

Governu liu hosi Sekretariu Estadu Protesaun Sivil komesa halo asesmentu hodi akumula komundade sira ne’ebe afetadu hosi inundasaun ne’ebe foin lalaik akontese.

Ekipa Protesaun Sivil iha ona dadus provizoriu ba uma ne’ebe hetan estragus. Dadus provisoriu xefe familia hamutuk 1.703 no pesoal hamutuk 10.600 resin.

Sekretariu Estadu Protesaun Sivil [SEPS], Alexandrino Araujo informa ba jornalista sira, hafoin enkontru ho autoridade local, xefe suku, PNTL, Administrador hateten, tipu gravidade ba sira nia uma estraga, lakon sasan, depois estragus mós infrastrutura, buat barak sei gasta osan boot ba situasaun ida ne’e, maibé agora dadaun  avansa nafatin apoiu emerjensia.

 “Agora apoiu emerjensia ne’e ita presija dadus, dadus ne’e mak ohin Vice-Ministru Estatal enkontru ohin, ho Prezidente Autoridade Munisipiu, Administradór no mós Xefe Suku sira, para bele hetan dadus sira ne’e ho lalais”, hateten Alexandrin iha fatin Salaun Administrasaun Estatal, 17/03.

Alexandrino Araujo hatutan, dadus ne’ebe ekipa akumula sei kontinua halao no sei aprezenta nafatin ba SEPS

“Kestaun ita nia komunidade hatoo lamentasoes razuavel, maibé só de’it ami nia rekursu mak limitadu tebes, rekursu ema, no rekursu ne’ebé limitadu maka la to’o. Sasan emerjensia mós ita bele dehan atu hotu ona, tanba ida ne’e mak ami tenta atu koopera ho ita nia parseiru barak tantu NGO Nasional ho Internasional no Nasoens Unidas ninia ajensia sira, mós Golgota Mall, Timor Plaza no seluk tan. Kuaze 27 ajensia mak fó apoiu  ba Protesaun Sivil ba iha inundasaun ne’e”, esplika SEPS.

Tipu rua ba ajudus hanesan ai-han sira ne’ebe consume loron-loron no sasan dapur sira nian, ajudus ne’e ba kurtu prazu, longu prazu mak hanesan rekooperasaun.

Konaba rekonstrusaun sei organiza hosi Ministeriu Estatal, no sei halo fali levantamenu dadus, hodi hare uma hira mak aat total, uma hira mak aat naton no dalaruma bee mak tama deit. Tuir SEPS ba  tipu emerjensia la haree ba atu bee tama de’it uma, maibé sira hotu-hotu iha direitu atu hetan apoiu emerjensia.

LEAVE A REPLY

Please enter your comment!
Please enter your name here