Home Meio Ambiente NAMKTL Sensibiliza Mudansa Klimatika Ba Estudante Universitariu

NAMKTL Sensibiliza Mudansa Klimatika Ba Estudante Universitariu

249
0
Negosiador ba Alterasaun Mudansa Klimatika iha Timor-Leste, Adão Barboza. [Foto: David da Costa | 15.03.2020]

Kontributor David, Adel, Nada, Simplicio

Mudansa klimatika sai preokupasaun iha mundu tomak, tanba komesa hatudu ona impaktu ba nasaun barak, liu-liu ilha kiik sira. Relasiona ho mudansa klimatika Negosiador ba Alterasaun Mudansa Klimataika iha Timor-Leste (NAMKTL), halo sensibilisaun ba alterasaun mudansa klimatika ne’ebe nia impaktu iha Timor-leste, ba estudante universitariu sira.

Negosiador ba Alterasaun Mudansa Klimatika iha Timor-Leste, Adão Barboza hateten, estudante sira ne’ebe iha abilidade ho diak no halo investigasaun ba gas ne’ebe mak hasa’e  emisaun ba atmosferu, no gas estuvas ne’ebe fo impaktu ba udan be’en menus.

“Impaktu husi alterasaun klimatiku ne’e mosu tamba aktividade ita ema nian ne’ebe halo iha rai, hasa’e emisões oksidu karbonu no gas metanach4, gas sira ba atmosferu no depois gas sira ne’e aumeta loron nia manas to’o mai superais, ikus mai hamosu akresimentu global tanba laiha manas husi rai ba atmosfera”, dehan Adão ba Neon Metin iha kampos Lama kaikoli UNTL.

Adão hatutan, aliende halo sensibilisasaun ba estudante sira, halo mos ba agrikultura sira iha nivel suku ka Munisipiu hotu, no dadaun ne’e husi diresaun nasional altera klimatika nia mos halo avaliasaun [dabdadik] katak avalisaun integradu balun husi Sekretariu Estadu Meio Abiente nia esplikasaun konaba kombate altera mudansa klimatika iha Dili Laran.

“liu husi sensibilizasaun ho agrikultor sira ami fo mos informasaun tekniku balun atu prevene sunu-rai  ho impaktu bailoron naruk, utiliza ho diak fila rai ho du’ut atu hetan hikas adubus no be’e husi rai”.

Liu husi halo sensibilizasaun ne’e sira prepara modulu sanulu resin ha’at [14], ne’ebe mak sei fo ba atu fahe informasaun ne’ebe detallu.

Estudante UNTL, Fakuldade Siensia Sosiais, Departamentu Dezenvolvimetu Comunitario (DC),  Elia De Fatima Dos Santos hateten nu’udar estudante sente orgullu tebes, tamba liu husi seminariu ida ne’e bele hatene no kompriende diak liu tan konaba impaktu sira husi mudansa klimatika nian.

“Konesimentu ne’ebe mak sira fahe ba  ami bele hasae liu tan ami nia konesimentu no mentalidade, bele kapasita liu ami hanesan estudante labele tauk no labele moe, atu hatudu no hatutan saida mak profersores sira fahe liu husi sira nia esperensia”, hateten Elia.

Editor Zevonia Vieira

*[David, Adel, Nada, Simplicio , hakerek nain hosi estudante UNTL ne’ebe mak partisipa iha Klinika Jurnalismu, programa ne’ebe realiza hosi UNTL-UNESCO]

LEAVE A REPLY

Please enter your comment!
Please enter your name here