Home Notisia Prezidente Horta Husu Sidadaun Hotu Iha Kartaun Elitorál Aban Ba Vota Tuir...

Prezidente Horta Husu Sidadaun Hotu Iha Kartaun Elitorál Aban Ba Vota Tuir Ida-Idak nia Direitu

234
0
Prezidente Republika, Dr. Jose Ramos Horta. [Foto: Media PR | 20.05.2023]

Reportajen David Da Costa

Iha ámbitu komemorasaun loron Restorasaun da Indepedensia Timor-Leste ba dala-21, Prezedente Republika (PR) José Manuel Ramos-Horta husu ba sidadaun sira hotu-hotu ne’ebé maka iha kartaun elitorál, keta haluhan aban  ba vota tuir ida-idak nia direitu no obrigasaun nu’udar sidadaun.

“Povu Doben Timor-Leste, aban ita ba vota, hau apelu ba sidadun sira hotu-hotu ne’ebé maka iha kartaun elitorál, atu ba ezerje  ka bá vota tuir ida-idak nia direitu no obrigasaun nu’udar sidadaun,”  Prezidente Republika Ramos-Horta Apelu bainhira halo nia diskursu iha Palálasiu Prezidensiál Bairo-Pite, Sabadu 20/05

Nune’e xefe extadu mós hato’o parabens ba instituisaun eleitorál, STAE no CNE, iha ida-idak nia fatin, tan hala’o knaar lalais no profisionál iha prosesu eleitorál nia laran.

“Ha’u fó parabens mós ba Polísia Nasionál tan hala’o knaar ho imparsialidade iha prosesu eleitorál nia laran. Ha’u mós fó parabens ba ita-nia Forsas Armadas tuir servisu ne’ebé hala’o tiha hodi fó tulun ba Polísia Nasionál hodi marka presensa iha fatin loos,” hateten Ramo-Horta

Enkuantu xefe estadu mós fó Parabens ba autoridade munisipál, Xefe Suku no Xefe Aldeia sira-ne’ebé badinas iha oin hodi kaer knaar ba lala’ok lorloron iha rejiaun foho nomós iha bairru sidade kapitál nian.

“Ha’u hato’o parabens no agradese ba Komisaun Justisa no Dame ba kontribuisaun ne’ebé fó iha prosesu edukasaun sívika no observasaun nomós fiskalizasaun iha prosesu eleitorál,” nia dehan.

Xefe estadu mós agradese sistema Nasoens Unidas nian no liuliu PNUD ba tulun tékniku ne’ebé fó prontu kedas hodi hadalan prosesu demokrátiku eleitorál. Nomós agradese ba nasaun belun hirak-ne’ebé simu timoroan iha sira-nia rain no loke dalan ba maluk sira bele bá-mai hodi hala’o direitu eleitorál.

“Ha’u hato’o bem-vindo ba observadór internasionál sira-ne’ebé iha ita-nia leet, liuliu observadór sira hosi Union Government of Myanmar. Ita hotu hein katak lakleur demokrasia sei fila ba povu Myanmar,” Ramos dehan.

Print Friendly, PDF & Email

LEAVE A REPLY

Please enter your comment!
Please enter your name here