Home Notisia ORHF: Hakruk Ba Estatutu, Respeita Orgaun Maximu FRETILIN Ho nia Maturidade Politika

ORHF: Hakruk Ba Estatutu, Respeita Orgaun Maximu FRETILIN Ho nia Maturidade Politika

1459
0
Organizasaun Rezistensia Hametin FRETILIN (ORHF). [Foto: Francisco JDA | 06.03.20201]

Reportazen Francisco JDA

Organizasaun Rezistensia Hametin FRETILIN (ORHF) hala’o konferensia imprensa hodi deklara atu hametin ezistensia ORHF kaer prinsipiu FRETILIN iha espiritu revolusionariu ba transformasaun sosio ekonómiku, no tulun estadu buka solusaun problema ne’ebe povu sira hasoru.

Prezidente ORHF, Abilio Mausoko iha intervensaun hateten katak hanoin no tetu FRETILIN hatur nia maturidade polítika no tau an interese estadu nian no marka pozisaun viabiliza no kontinualidade VIII Governu Konstituisional hodi buka solusaun ba dezafiu ne’ebé estadu hasoru.

“Liu hosi deklarasaun ida ne’e ORHF sei hakruk ba estatutu no manual FRETILIN, respeitu orgaun maximu FRETILIN,  kaer prinsipiu ho enfaze espiritu revolusionaria nu’udar elementu esensial luta ba libertasaun no independensia, iha transformasaun mental sosio ekonómiku, polítika no espiritu ida ne’e mak sei kontinua iha situasaun agora, hodi tulun estadu buka solusaun ba problema ne’ebe povu sira hasoru,” hateten Prezidente ORHF, Abilio Mausoko iha Salaun Luz Clarita, 06/03

Abilio Mausoko reforsa tan, transforma an ho espiritu revolusionariu hodi hametin FRETILIN no hamutuk ho FRETILIN hametin estadu direitu Demokratiku, hodi Timor-Leste atinji estabilidade no prosperiadade  ba povu tomak.

Iha fatin hanesan Komisaun Polítika Nasionál FRETILIN, José Manuel “Nakfilak” hatoo katak, FRETILIN toos nafatin no metin nafatin, para atu kompete iha eventuais sira ne’ebé mk atu mosu mai no kontinua hametin neon iha FRETILIN hodi lori vitória FRETILIN ba iha 2023.

“Kada militante iha responsavel ida tenki hatene oinsá mak atu hala’o nia serbisu, lori tan militante sira seluk mai atu vota ba FRETILIN iha 2023 no militante tenki hatene no votu responsavel para nia iha direitu atu husu ba iha estadu, tanba direitu ne’ebé mak nia fó tiha ba sira atu ukun, hodi adia ita nia povu nia moris”, dehan José Manuel “Nakfilak”

Nia konklui katak, “keta lori ema nia naran lao demais bá buka imi nia hakarak, interese terseiro nian buka uja ita nia forsa, para atu sobu ita no sira  sama nafatin ita nia kabas ba ukun ,maibé tempu hirak ne’e liu ona, tempu agora hateke ba oin hodi hasoru didiak oportunidade sira ne’ebé estadu ne’e kria ba ita”.

Print Friendly, PDF & Email

LEAVE A REPLY

Please enter your comment!
Please enter your name here