Reportazen Zevonia Vieira
Relasiona ho transmisaun komunidade ne’ebe akontese ona iha Dili, Konsellu Ministru hasai ona rezolusaun Konsellu Ministrus hodi deklara Serka Sanitaria durante loron 7 iha Municipio Dili.
Liu hosi konferensia imrensa Ministru Prezidensia Konsellu Ministrus, Fidelis Magalhães ba jornalista sira hateten Konsellu Ministru desidi katak hahu aban loron 9 Marsu sei tama iha vigor Serka Sanitaria no konfinamentu obrigatoriu, ho nune’e hosi aban to’o loron 15 Marsu katak serka sanitariu durasaun loron 7, no liu tiha loron 7 governu sei hare fila nesesidade atu kontinua ka lae?
Ministru Fidelis hateten iha serka sanitaria loron 7 nia laran, mak sei bandu ema labele sai hosi municipio Dili, sira ne’ebe atu sai hosi municipio Dili atu ba municipio sira seluk karik, so sira ne’ebe mak lori aimoruk emerjensia sira ka fo seguransa sira, maibe se iha autorizasaun hos Ministeriu Interior no hosi Centro Integradu Jestaun Krizi (CIJK), enkontru sira seluk ne’ebe akontese iha municipio sira seluk no rezidentes sira iha Dili bele fila fali mai, maibe tenke relata bai ha CIJK.
Iha ambitu ida ne’e Konsellu Ministru mos desidi, atu impleta konfinamentu obrigatoriu ha ita nia municiop Dilo, sidadaun sira la autoriza atu halo atividade kultural, relijioza no atividade sira seluk durante loron 7 nia laran, no mos la autoriza atu sai hosi hela fatin, hodi ba fatin publiku sira sem nesesidade sira naunser (terkecuali), ba hola nesesidade bazika ou eletrisidade ka hola medikumentu sira, maibe tenke lao iha numeru ne’ebe kiik no bainhria seguransa sira husu karik tenke justifika razaun sira
Relasiona ho atividade merkadu no ensiu, Ministru Fidelis hateten atividade sira refere sei halo tuir despashu ministeriu relevante sira sei hato’o, tanba medida implementasaun Estadu Emerjensia (EE) fo daln ida ne’e, atividade hotu sei paradau iha loron 7 nia laran.
“Medida hirak ne’e halo tuir Rezolusaun Konsellu Ministru, tanba alende medida ne;ebe governu iha desidi halo medidad ba zona espesial sira no serka sanitaria ne’e vale deit iha municipio Dili, eseptu Covalima bele halo atividade lor-loron nian maibe tenke halo tuir medidas protokolu saude nian”, dehan Ministru Fidelis iha salaun Minitesteriu Finansas, 08/03.
