Home Notisia TANE: Operadór Telekomunikasaun Tenke Garante Konsumidór nia Direitu Ho Justu

TANE: Operadór Telekomunikasaun Tenke Garante Konsumidór nia Direitu Ho Justu

668
0
Prezidente TANE Konsumidor, Antonio Ramos da Silva. [Foto: Adroaldo | 23.09.2021

Reportajen Adroaldo ‘Saretukau’

Asosiasaun Tane Konsumidor relata konaba preokupasaun konsumidor telekomunikasaun nian hanesan Timor Telcom, Telkomcel no Telemor relasiona ho rede ne’ebe mak lao todan

Liuhusi konferénsia imprensa Prezidente TANE Konsumidor, Antonio Ramos da Silva hateten konaba selebrasaun kontratu iha telekomunikasaun sira, hodi hasa’e ekilíbriu no justisa ba relasaun konsumu nian, nune’e Asosiasaun Tane ezije instituisaun regulador atu atende direitu konsumidór nian, ba asesu ho kualidade no sem interrupsaun.

Iha entrevista ho Neon Metin Prezidente Tane Konsumidór hateten serbisu telekomunikasaun hanesan serbisu ida ne’ebé atu garante konsumidór sira nia direitu, maibé durante ne’e keixa barak hato’o hosi konsumidór sira konabá sira nia insatisfasaun ba uzu serbisu telekomunikasaun sira ne’e.

Prezidente Tane haktuir tinan rua ikus Tane sempre halo intervensaun iha área telekomunikasaun, Tane mós halo ona estudu balu no identifika problema balun ne’ebé presiza hadi’a hodi bele fo protesaun di’ak ba konsumidor sira.

“Tane nia haree asesu ba informasaun sira ne’e, tenki loloos hosi operadores sira, tenki iha kontratu, tanba ne’e Tane halo estudu ida husu ba operadores sira, liu-liu operadores tolu, Timor Telecom, Telekomcel ho Telemor atu fornese modelu kontratu ho konsumidor sira mai Tane, nem ida mak fo modelu de kontratu hodi responde mai Tane, no Telemor responde katak sira labele fornese modelu kontratu ba pihak ketiga.”, hateten Prezidente Tane, António ba Neon Metin iha Edifísiu Tane, Vila Verde, Kuarta, 23/09/21.

Nia hatutan katak maioria konsumidór sira la iha kontratu ho operadór telekomunikasaun sira, nune’e iha tinan 2019-2020 Tane halo kontratu pos pagu ho operadór Telkomecel no agora ho Timor Telecom hodi halo análiza. Hosi analiza ne’e deteta katak presiza duni selebra kontratu. Tan ne’e hafoin konferénsia imprensa ne’e Tane sei haruka karta ofisial ba instituisaun kompetente atu hare ba asuntu ne’e, tanba atu selebra kontratu mak tenke iha rejime legal.

“Tan ne’e Tane nia karta ne’e ba iha autorodade regulador ho fiskalizadora ba Ministério Transporte no Telekomunikasaun ba ANC no Ministériu Komérsiu Indústria nian atu adopta rejime legal ba protesaun konsumidores sira ba servisu telekomunikasaun nian”, hateten Prezidente António.

Nia hateten Ministériu Komérsiu no Indústria nian mak tutela atu iha proposta lei rumatenki lori ba Konsellu Ministru, no autoridade regulador ANC no MTCI sira iha diresaun ida ne’ebé mak tutela hodi defende ba proposta ka projetu de lei, tanba ida tutela ba konsumidor no ida tutela ba telekomunikasaun nian.

“Ajuda fo informasaun ba públiku ba regulador ho fiskalizador sira nia nomos ba konsumidores jeral katak obrigatóriu tenki iha selebrasaun de kontratu”, tenik nia.

Konabá keixa konsumidore nian Prezidente Tane hato’o katak konsumidor barak mak la satisfás ho serbisu ne’ebé operadór sira fó tanba sira la mensiona ho klaru atu utilizadór sira.

“Dala barak ita sosa pakote ida nia durasaun ne’e 24 oras, nia folin USD 1.00, nia kapasidade ne’e Mega hira, normalmente sira sempre subar, buat ida mak sira la fo mak pakote ne’e ni-nia velosidade ka speech ne’e, konsumidór sira nia complain tanba foin uza seidauk hotu maibé expire tiha ona, maibé tanba sira la fo velosidade klaru iha ne’ebá, ami ezije ida ne’e, tanba iha kontratu tenke hakerek buat sira ne’e kompletu”, hateten prezidente Tane.

Prezidente Tane akresenta liu tan saída mak Tane hakerek iha ni-nia proposta ne’e sai hanesan dokumentu ida ne’ebé Tane sei diskute ho ANC entre instituisaun rua ne’e asina hamutuk para obriga operadór telekomunikasaun sira publika iha sira nia Website no tenke tau informasaun kompletu iha sira nia fatin fa’an telefone ka brochure sira.

Ba próteze konsumidór sira, Prezidente António hateten ho sujestaun ho Tane ni-nia objetivu mak “proteje konsumidores sira no proteje ekonómia estadu nian, tanba servisu telekomunikasaun importante ba estadu mós, proteje mós operadór ekonómiku sira, tanba sira kumpri lei, negósiu ne’ebé saudavel ida ne’e proteje mós sira nia interese”, nia hakotu.

Print Friendly, PDF & Email

LEAVE A REPLY

Please enter your comment!
Please enter your name here