Home Saude Sentru Saude Comoro Rejista Moras ISPA Total 23,788 Husi Janeiro – Jullu

Sentru Saude Comoro Rejista Moras ISPA Total 23,788 Husi Janeiro – Jullu

287
0
Xefe Sentru Saude Komoro, Dra. Milena Do Rego. [Foto: David | 23.09.2021]

Reportajen David da Costa Gusmao

Hahú husi fulan Janeiru to’o Jullu 2021, Sentru Saúde Comoro regista moras infesaun sistema respiratóriu Aguda (ISPA) hamutuk ema nain 23,788 (49,09%), tuir fali mak moras kulit no moras Diária.

Reprezentante Xefe Sentru Saude Komoro, Dra. Milena Do Rego, hateten moras nebe rejista aas liu iha sentru saúde Comoro ne’e mak moras Infesaun Sistema Respiratoriu Aguda (ISPA), moras kulit, no mós moras Diária, kazu sira nee la halakon  pasiente sira nia vida, no pasiente sira laos moras grave liu, tanba ne’e sira mai halo konsulta bai-bain deit.

Nia haktuir, pasiente sira ne’ebé mak ho moras ISPA, moras Kulit no moras Diarea mai halo tratamentu iha ne’e ho númeru neebé aas maibé ami nia ai moruk ba pasiente sira sufisiente hela hodi atende sira, pasiente ne’ebé mak mai ho kondisaun la dun diak ka kondisaun ne’ebé mak presiza duni ba iha emerjensia ne’e lori lansung ba  iha sala emerjensia.

Nia esplika, iha tinan ida nee pasiente sira mai halo tratamentu iha sentru saúde Comoro menus liu kompara ho tinan kotuk, tanba pasiente sira tauk atu mai halo tratamentu, bainhira atu ba halo tratamentu presiza swab, nune’e halo pasiente sira tauk atu mai halo tratamentu.

“iha sentru saúde ne’e tuir loloos pasiente sira ho moras ISPA ne’e ami tenki halo swab hotu kedas, maibe tanba deit pasiente sira tauk, entaun sira mai halo tratamentu iha ne’e ami presiza husu ida ne’ebe mak hakarak swab, mak hafoin ami halo swab ba sira, no ida ne’ebé la kohi swab ami la bele obriga sira, maibé iha kazu emerjensia ka maternidade nian ne’e tenki swab,” nia informa

Alende ne’e, swab ne’ebé mak sentru saúde Comoro uza iha modelu rua mak  swab antigen no swab PCR, ba swab Antigen bele rona kedas rezultadu iha minutu 10-15, no swab PCR ne’e liu tiha oras 24 mak foin bele rona nia rezultadu.

Nia dehan, kona ba fasilidade, ai moruk no rekursu umanu iha sentru saúde Comoro ba dadaun ne’e sei sufisiente hela.

Dadus ne’ebe Neon Metin akumula katak moras infesaun sistema respiratoriu Aguda (ISPA) iha 23.788 (49.09%), moras kulit iha nain 7063 (14.57%) no moras diária hamutuk 5950 (12.28%)

Print Friendly, PDF & Email

LEAVE A REPLY

Please enter your comment!
Please enter your name here