Home Notisia Espozisaun Jovem no Agrikultura, Zaulino: Seitor Produtivu Kontribui Kria Ekonomia

Espozisaun Jovem no Agrikultura, Zaulino: Seitor Produtivu Kontribui Kria Ekonomia

980
0
Prezidente APFTL, Zaulino Gomes. [Foto: Francisco JDA | 05.03.2021]

Reportazen Francisco JDA

Alumni Parlamentu Foinsae Timor-Leste (APFTL) ho Oxfam Timor-Leste realiza espozisaun ba dala uluk ho tema, “Espozisaun Juveníl iha Seitor Produtivu” ho objetivu atu hatudu no fortifika liu tan informasaun, ba joven kreativu sira kona ba seitor produtivu sira, liuliu iha area agrikultura, hortikultura pekuaria no  turismo.

Iha abertura Prezidente APFTL, Zaulino Gomes hateten liu hosi espozisaun ne’ebe organiza hosi APFTL ho Oxfam, hodi bele fo espasu ba jovem agrikultura sira, atu bele halakon tiha prespektiva publiku nian katak jovem barukten maibe realidade jovem barak mak edukativu.

“Tanba ida ne’e APFTL serbisu hamutuk ho Oxfam prinsipalmente eventu sira hanesan ne’e kria espasu atu fanun autoridade estadu sira atu fo kebijakan ka kria politika liu-liu ba seitor produtivu sira, tanba seitor produtivu nudar seitor ne’ebe bele kontribui ba kria ekonomia familia, liu-liu hadia ekonomia nasaun nian”, Prezidente APFTL, 04/03.

Iha fatin hanesan Country Diretor Oxfam Timor-Leste, Fausto Belo Ximenes hateten kontente ho inisiativa hosi APFTL hodi realiza espozisaun juventude no agrikultura.

“Oxfam nian papel iha Timor mak serbisu ho governu no sosiedade sivil sira inklui grupu juventude sira, atu bele kria Plataforma ida ne’ebe diak, hodi liga ita nia grupu jovem sira ho nain ulun sira, hodi hatoo sira nian dezafius no potensialidade ne’ebe iha atu bele esplora hodi bele sai hanesan kontributor produtivu ba iha ita nia dezenvolvimentu. Tanba ita hotu hatene Timor nudar nasaun ne’ebe mais jovem, ne’e hatudu katak ita iha potensial diak ho iha politika ne’ebe diak, utiliza enerjia, abilidade no kreatividade hosi jovem sira, ida ne’e bele sai hanesan rekursu ida ne’ebe importante tebes ba ita nia nasaun”, dehan Country Director Oxfa, 05/03.

Iha parte sorin Ministru Comersiu no Industria (MTCI), Jose Lucas hateten MTCI kongtrula grupu jovem sira, liu-liu APFTL sira ne’ebe lori grupu jovem sira atu hatudu mai governu, produtu ne’ebe jovem sira halo ona liu hosi seitor agrikultura.

“Imi hatudu mai ami saida mak imi produs ona, liu hosi espozisaun imi hatudu rezultadu ne’ebe iha ona. Governu fo parabens ba jovem sira ne’ebe kreativu no halo serbisu inovativu. Nune’e ita sei tur hamutuk hodi hare politika saida mak governu bele halo ba area produtivu. Area agrikultura laos tutela ba ministeriu ida deit, maibe interministerial mos iha hola parte iha seitor ida ne’e. Alin sira bele halo buat ruma hosi municipio maibe laiha koneksaun ne’ebe boot, ho oportunidade ohin ne’e tulun tebes grupu jovem sira iha seitor produtivu, no ami lubuk ida mak sei halo serbisu ho ita boot sira. VIII Governu Konstituisional fo importansia boot ba juventude sira liu hosi fundus no programa lubuk ida, hodi responde ba juventude sira nia preokupasaun”, dehan Ministru Jose Lucas.

Liu hosi espozisaun ne’e sei fahe informasaun importansia konaba diversifikasaun ekonomia ba juventude sira, jovem sira bele hatudu kreatividade ne’ebe inovativu ba governu no bele sai inspirador ba jovem sira seluk, atu partisipa iha diversikafasaun ekonomia.

Objetivu prinsipal hosi expozisaun ne’e rasik mos atu hatudu ba jovem sira katak, serbisu agrikultura nudar seitor importante ida, presiza tebes abilidade jovem sira nian ne’ebe kreativu, atu bele dezenvolve no haburas liutan seitor agrikultura, ho nune’e halakon dependensia ba fundu petrolifeiru deit. Partisipasaun jovem iha agrikultura mos, bele influensia governu nia politika atu fo importansia ba papel juventude nian, hodi hasae dezenvolve ekonomia rai laran.

Objetivu jeral hosi expozisaun ne’e rasik mak jovem ativu, saudavel, produtivu, kompetetivu no autor ba mudansa. Partisipante sira ne’ebe sei partisipa mak mai hosi grupu juventude Hortikultura, Pekuariu, Aguakultura, Turismu no Ambiente. Expozisaun ne’e halao iha Municip Ermera, iha loron 4 Marsu 2021, durante loron ida.

Programa ne’e hetan apoiu finanseiru hosi governu Australia no serbisu hamutuk Gef no Oxfam Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here