Home Saude COVID-19, CIJK: Husu Pasajeirus Bus Mabenifa Ne’ebe Ba Baucau Entrega-an Ba Ekipa...

COVID-19, CIJK: Husu Pasajeirus Bus Mabenifa Ne’ebe Ba Baucau Entrega-an Ba Ekipa Saude

976
0
Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo. [Foto: David da Costa | 05.03.2021]

Reportazen David da Costa Gusmao*

Relasiona ho kazu konfirmadu foun iha Munisipiu Baucau, liu hosi konferensia imprensa Ministeiru Saude (MS) iha sala situasaun Centro Integradu Jestaun Krize (CIJK) husu ba pasajeirus sira ne’ebe sae hamutuk pasiente COVID-19 ho bus Mabenifa ho xapa matrikula 36-806  iha loron 1 Marsu, husi Dili ba Baucau  entrega-an ba ekipa iha saude.

Koordenador Forsa-Tarefa ba Prevensaun no Mitigasaun Surtu Covid-19 iha Timor Leste, Dr. Rui Maria de Araujo informa ba jornalista sira katak ekipa saude Munisipiu Baucau ho Dili sei kontinua nafatin buka tuir ema sira ne’ebe kontaktu sira hotu, hodi bele estabelese ligasaun entre kazu foun ida ne’e  ho possiveis fontes de infesaun.

“Husu ba maluk sira ne’ebe sae bus Mabenifa, iha loron 1 Marsu tuku 5 lorokraik husi Dili ba Baucau favor ida aprezenta-an iha ekipa saude sira ne’ebe besik imi nia hela fatin, hodi bele fo atendimentu”, dehan Dr.Rui liu husi Konferensia imprensa iha Sala Situsaun CIJK, CCD, 5/05.

Nia apela mos ba populasaun iha Timor-Leste tomak, atu nafatin matan moris neon nain, partika nafatin medida prevensaun uza maskra, fase liman beibeik ho sabaun ka desinfektante ruma, bainhira kumprimenta malu, laprezisa kaer liman, bensa liman, rein malu  ka hakuak malu, evita halibur malu barak, hamri’ik ka tur do’ok husi ema seluk minimu metru ida ho balun.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here