Home Feature Moris Ho Difisiensia Laos Barreira, FJDE: Halo Produsaun Kafe no Maskra

Moris Ho Difisiensia Laos Barreira, FJDE: Halo Produsaun Kafe no Maskra

310
0
Forum Juventude Difisensia Ermera (FJDE). [Foto: Francisco JDA | 05.03.2021]

Reportazen Francisco JDA

“Ami bele sosa sira nia buku, lapijeira, nune’e apoio sira ba eskola fali, grupu ne’e harii hosi ema ho difisensia entaun osan ne’ebe mak hetan fo prioridade ba ema ho difisensia“. Marcos

Forum Juventude Difisensia Ermera (FJDE) nudar grupu jovem ne’ebe foka iha Agrikultura, produsaun kafe uut no suku maskra. FJDE harii iha tinan 2019, iha aldeia Kaitarahei, suku Fatuquero. Membru hamutuk nain 7 kompostu hosi mane rua no feto lima. Objetivu hosi harii FJDE mak atu kapasita no promove ema ho difisiensia no familia difisiensia, hodi bele kria ekonomia rasik no la depende ba ema ho hanoin ida katak bele moris independente.

Iha eventu espozisaun ne’ebe organiza hosi Alumni Parlamentu Foinsa’e Timor-Leste (APFTL) no Oxfam ih Gleno-Ermera, FJDE ne’ebe partisipa iha espozisaun ba Neon Metin hateten maske iha grupu refere halo produsaun hanesan kafe u’ut no suku maskra, maibe sira laiha ekipamentu, hodi apoiu sira nian serbisu, nune’e serbisu lubuk ida mak halo ho manual, maibé nafatin iha korajen atu halo serbisu nunee bele responde ba nesesidade ema ho difisensia iha uma laran no apoio ema ho difisensia iha eskola.

Koordenadór FJDE, Marcos Martins hatete grupu ne’e eziste iha loron 18 Setembro 2019, durante ne’e hetan osan boot liu hosi produsaun kafe u’ut, osan sira ne’e hodi apoiu nesesidade ema ho difisiensia no nian familia sira, liu-liu difisiensia ne’ebe mak eskola.  

“Ami bele sosa sira nia buku, lapijeira, nune’e apoio sira ba eskola fali, grupu ne’e harii hosi ema ho difisensia entaun osan ne’ebe mak hetan fo prioridade ba ema ho difisensia,” hateten Koordenador Marcos iha salaun parokial Gleno, 04/03

Nia husu ba governu hodi bele apoio FJDE nia atividade liuliu kona ba produsaun  suku nune bele responde nesesidade ema ho difisensia no família difisensia sira. Husu mos ba kolega ema ho difisensia sira atu kontinua halo buat ne’ebe ema ho difisensia halo hodi kontribui rai ida ne’e.

“Labele hare ba ita nia kondisaun no situasaun maibé hare ba buat ne’ebe mak ita bele halo , ita la bele hein deit maibé koko halo buat ne’ebe ita bele, hodi nune’e  fo benefísiu mai ita no mos bele responde ba ita nia nesesidade no responde ba nasaun ida ne’e,” dehan Marcos

Grupu difisiensia ne’e inspira-an rasik, hodi harii grupu ne’e ho abilidade ne’ebe mak sira iha. Sira prefere kria serbisu ba an rasik, no enkoraja jovem sira, liu-liu jovem ho difisiensia sira, atu bele partisipa ho kreatividade no inovativu hodi kontribui ba dezenvolvimentu ekonomia.

FJDE hetan ona premiu liu hosi kompetisaun Timor-Leste Innovation Award 2020 (Youth Co-lab) no sira rasik hetan material alfaeta nian hodi halo atividade suku hosi centro Sowver Dili.

FJDE hetan mudansa ne’ebe diak bainhira produsaun sira ne’ebe sira produs iha oportunidade asesu merkadu, sai orgullu boot ba sira tanba mehi ne’ebe sira atinji hanesan champion.

Print Friendly, PDF & Email

LEAVE A REPLY

Please enter your comment!
Please enter your name here