Home Notisia Xanana Husu MP Notifika Hanesan Arguido, Joaquim: Prosesu Juridiku Tenki Bazeia...

Xanana Husu MP Notifika Hanesan Arguido, Joaquim: Prosesu Juridiku Tenki Bazeia Ba Lei

3132
0
Deputadu Joaquim dos Santos. [Foto: Francisco JDA | 25.11.2020]

Reportazen Francisco JDA

“Ita ko’alia lei pozitivu ne’e hanesan ne’e, katak iha regras prosesuais tan ne’e notifikadu hanesan arguido ba hatan hanesan arguido no notifika hanesan testamunha ba hatan hanesan testamunha, Tribunal sei la iha kompetensia atu muda fali estatutu ba arguido antes de julgamentu”. Joaquim dos Santos

Relasiona ho Prezidente partidu CNRT, Kayrala Xanana Gusmao iha loron 29 Marsu, ba marka prezensa iha Ministeriu Publiku liga ho keixa hosi Sekretariu Jeral partidu FRETILIN, Dr. Mari Alkatiri nian ne’ebe hatama ona iha fulan hirak liuba.

Refere ho informasaun ne’e Prezidente Komisaun A, ba asuntu Konstituisaun no Justisa, Joaquim Boraluli ba jornalista sira hateten, ema ne’ebé Tribunal ka Ministeriu Públiku (MP) notifika mak ema ne’ebe sai arguido no ema ida ne’ebe hetan notifikasaun hanesan testemunha labele husu fali Ministeriu Publiku atu sai hanesan arguido.

“Ha’u hanoin ita tenki la’o tuir prosesu no sistema judisiariu ne’ebé existente testamunha ba hanesan testamunha no arguido ba hatan hanesan arguido, nune’e responsavel kriminal ne’e individual ema ida nian, labele reprezenta fali ema ida nia sala”, dehan Joaquim

Nia hatutan ko’alia lei pozitivu ne’e hanesan ne’e, katak iha regras prosesuais, tan ne’e notifikadu hanesan arguido ba hatan hanesan arguido, no notifika hanesan testamunha ba hatan hanesan testamunha. Tribunal sei la iha kompetensia atu muda fali estatutu ba arguido antes de julgamentu.

Presidente Comisaun A Parlamentu Nasionál reforsa tan, notifikasaun ne’e ba ema, bele mós liu hosi organizasaun, kuandu nia hala’o nia funsaun hanesan deputadu, se tribunal keixa individual entaun notifika individual tanba tenki asina.

“Ita labele halo fali pozisaun ida, atu anula fali prosesu judisiariu ne’e labele, tenki evita ida ne’e tanba prosesu juridiku tenki bazeia ba lei, nune’e labele halo polítika ida bazeia de’it ba alegasaun, tenki bazeia ba provas konkretas, katak prosesu ne’e tenki iha provas tama ona judisiariu, mak halimar fali polítika ne’e ka la konstroe ba objetivu estadu, nune’e prosesu juridiku la’o tuir nia dalan no kestaun polítika la’o tuir nia dalan,” hateten Joaquim dos Santos Boraluli.

Bainhira Prezidente partidu CNRT, Xanana Gusmao aprezenta an iha Ministeriu Publiku, ba jornalista sira, nia mos deklara katak husu ba Ministeriu Publiku atu notifika nia hanesan arguido relasiona ho keixa Sekretario Jeral Partidu FRETILIN, Dr. Mari Alkatiri.

Print Friendly, PDF & Email

LEAVE A REPLY

Please enter your comment!
Please enter your name here