Reportajen Umbelina dos Reis
Provedoria dos Direitus Umanus Justisa (PDHJ), organiza diskusaun interativu kle’an ho tema: “Administrasaun Públiku ne’ebé efetivu no responsivu”. Iha kontestu ba boa governasaun di’ak, estadu tenke proteje sidadaun hotu-hotu nia direitu ba liberdade, seguransa, edukasaun, saúde no justisa ho di’ak, labele halo diskriminasaun ka injustu maibé tenki imparsialidade ba sidadaun.
Adjunta Provedóra Direitus Umanus no Justisa (PDHJ), Maria Marília da Costa hateten selebra loron Internasionál ba Direitus Umanus, ne’e la’os halo reflesaun, maibé halo mudansa ba futuru agora, nune’e ema hotu iha direitu ne’ebé konsagra ona hahú hosi inan isin rua, bebe iha kabun, sira iha direitu atu moris, nune’e sai hanesan direitu fundamental umanu.
Tanba Diresaun ba boa governasaun ne’e fó impaktu negativu ba direitu no direitus umanus, bainhira boa governasaun di’ak ne’e tenki halo protesaun ba sidadaun hotu-hotu nian, maibé bainhira governasaun fraku, sira korrupsaun no viola sidadaun sira nia direitu báziku. Por ezemplu viola sidadaun sira nia direitu ba liberdade, seguransa, edukasaun, saúde no justisa ne’e hanesan rezulta abuzu de poder no diskriminasaun injustu iha sosiedade. Bainhira iha kontestu boa governasaun di’ak estadu tenki proteje sidadaun sira hosi abuzu, por ezemplu proteje hosi liberdade espresaun no asegura sidadaun hotu-hotu tenki hetan servisu báziku.
“Bainhira hamosu violasaun ba boa governasaun no direitu umanus nian afeta negativamente ba kualidade moris populasaun, no hamosu situasaun inkluzaun nian iha sosiedade, “Dehan Adjunta Maria Marília da Costa liuhosi nia diskusaun interativu, iha salaun, Suai Room, Timor Plaza, Tersa 10/12.
Nia haktuir PDHJ iha nia diresaun rasik, nune’e bainhira sidadaun hetan violasaun, ekipa sei tun direita halo fiskalizasaun no monitoring. PDHJ nia esforsu másimu hodi halo advokasia ba direitu ema nian no komún.
