Reportajen Filomena da Conceição
Provedor dos direitus umanus i justica (PDHJ), Vergilio da Silva Guterres “Lamukan”, hateten, iha tinan ida ne’e, komesa husi Janeiru to’o Outubru PDHJ rejistu kazu besik 200 no liuhusi kazu hirak ne’ebe sira simu maioria kazu violasaun diretus umanus no Boa Governasaun.
“Atu Sura numeru kazu neebe PDHJ simu hamutuk bele dehan 190 ital no besik 200 Kazu, husi janeiru mai to’o agora no kazu sira nee ami update iha ami nia pajina Kona-ba hira mak vilosaun boa governsaun no hira ba direitus umanus nian, maibe numeru jeral ne’ebe ami simu besik 200 kazu ida ne’e tanba ami seidauk sura ho fulan novembru no dezembru nian” dehan Provedor Virgílio ba jornalista sira iha Suai Room Timor-Plaza, Tersa 10/12
Nia Esplika, Liuhusi numeru kazu sira ne’e, PDHJ nia servisu mak atu investigasaun ba kazu ne’e, no balun halo referensi ba entidade relevante atu investiga se banhira kazu refere la’os kompetisi PDHJ nian.
“Liuhusi kazu hirak ne’ebe ami hetan, karik relsaun ho korupsaun osan, ami haruka ba komisaun Anti-Korupsaun, ba problema disputa rai ninian ami haruka ba teras propriedade atu rezolve no Kazu balun dalaruma iha nivel institusaun komisaun publika ami haruka ba”, Nia dehan.
Em jeral, Kazu sira ne’ebe PDHJ investiga no monitoriza mai halo analiza no hamosu rekomendasaun, i rekomendasaun ne’ebe PDHJ haruka ba entidade relevante sira tuir regra sira ne’ebe PDHJ bolu respondente i depois PDHJ monitoriza respondente ne’e sira halo tuir ka Lae? maximu ne’ebe PDHJ halo kuandu sira la halo tuir PDHJ lori ba parlamentu Nasional.
“Husi numeru kazu hirak ne’e, ami seidauk iha dadus ne’ebe konkretu maibé liuhusi dadaus ne’ebe ami fo sai iha 50% husi sira ne’e hatama mai halo notifikasaun ba respondente sira no ba kesar nain sira, no balun iha notisia de krime ami haruka ba Ministeiru Publiku”, dehan provedor
Entretantu, liuhusi Kazu hirak ne’ebe PDHJ simu maioria Kazu violasaun diretus umanus no Boa Governsaun ninian, no iha violasaun diretus umanus ne’ebe iha barak liu mak violensia domestika i boa governasaun ninian barak liu kazu keixa husi balun ne’ebe hetan ona kargu xefia, maibe seidauk simu regalias no total husi Kazu hirak ne’e, iha 50% Mak hetan ona notifikasaun.
