Home Notisia MS Prepara Konzelador Hodi Tau Mate Isin, Dra. Odete: Hein Solusaun Sei...

MS Prepara Konzelador Hodi Tau Mate Isin, Dra. Odete: Hein Solusaun Sei Mosu

4810
0
Dra. Odete koalia hela ho Xanana Gusmao. [Foto: David da Costa | 13.04.2021]

Reportazen Francisco JDA

Koordenador Forsa Tarefa Prevensaun no Mitigasaun, Dra.Odete Viegas komunika ho líder nasional Xanana Gusmao, hodi lori konzelador tau mate isin iha laran, iha sala isolamentu Vera Cruz, nune mate isin labele bubu no dodok

Hafoin Dra.Odete Viegas ko’alia ho família matebian sira katak, ko’alia ona ho Xanana Gusmao,  atu nune’e tau matebian ba iha konzelador, para  bele sona formalin ba mate isin, nune’e  meius  hotu  mak halo loron tomak, nune’e  kontinua bele hetan solusaun.

Bainhira familia matebian husu Dra.Odete Viegas, kona ba bainhira mak bele haloot matebian nia isin? Dra.Odete hatan katak “ida ne’e ha’u labele fo desizaun lai, maibe imi labele triste meius ne’ebé ami halo, tanba meius hotu ami halo ohin loron tomak, atu halo buat ruma mas ita hein solusaun sei mosu mai, tanba la iha problema ida mak la iha solusaun,  dalaruma tempu mak bele determina tanba la’ós ha’u decide, maibé ha’u kontribui buka solusaun,” hateten Dra.Odete Viegas ba família matebian sira iha Isolamentu Vera Cruz, 13/04

Observasaun jornalista Neon Metin iha terenu hare katak, dadaun ne’e ekipa konjunta Saúde lori ona Konzelador mai iha isolamentu Vera Cruz, nune’e bele tau mate isin atu labele dodok no Bubu.

Konaba situasaun ih area Vera Cruz, kontinua lao hakmatek no hetan seguransa hosi parte PNTL no F-FDTL, no to’o oras ne’e sedauk iha desizaun atu solusiona atu ba hakoi mate isin iha ne’ebe.

Print Friendly, PDF & Email

LEAVE A REPLY

Please enter your comment!
Please enter your name here