Home Saude Surtu COVID-19 Iha Dili Hosi Prevalensia 3.5% Sae Ba 7.3%, Barak Liutan...

Surtu COVID-19 Iha Dili Hosi Prevalensia 3.5% Sae Ba 7.3%, Barak Liutan Mak Infetadu

123
0
variant foun Corona B117. [Foto: copyright google | 24.03.2021]

Reportazen Zevonia Vieira

Evolusaun surtu COVID-19 iha municipio Dili kada loron ema ne’ebe konfirmadu pozitivu COVID-19 kontinua sae.

Iha komunikadu imprensa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr Rui Maria de Araújo hateten katak surtu ida ninia evolusaun, no mós surtu ne’e aumenta ka diminui, indikador ida ne’ebé matenek-nain epidemiolojia nian uza, maka prevalénsia.

Nia hateten konvensionalmente prevalénsia sukat persentajen ema ne’ebé detetadu hetan moras ida, iha populasaun nia le’et, iha periudu tempu ne’ebé determinadu. Nune’e ekipa konjunta saúde buka determina prevalénsia ema ne’ebé detetadu COVID-19 iha Munisipiu Dili, no hetan rezultadu katak

Entre 2 Abril ho 15 Abril 2021 (semana 2) Prevalénsia 3,5% (264 pozitivus, husi 7564 pesoas ne’ebé halo teste rastreiu aleatóriu & rastreiu atu halo viajen sai husi serka sanitaria Munisipiu Dili).  Entre 16 Abril ho 22 Abril 2021 (semana 1), Prevalénsia 7.3% (425 pozitivus husi 5799 pesoas ne’ebé halo teste rastreiu aleatóriu & rastreiu atu halo viajen sai husi serka sanitaria Munisipiu Dili).

Aumenta prevalensia iha semana 16 to’o 22 Abril 2021, kompara ho semana 2 antes (2 Abril – 15 Abril) hatudu katak surtu iha Dili aumenta bebeik no hatudu mos katak ema barak liu tan ona mak infetadu

Dr. Rui dehan hare mos ba faktu katak maioria husi ema neebe detetadu pozitivu mak la hatudu sintomas ka laiha gejala, signifika SARS-CoV-s iha Dili. To’o ohin iha municipio Dili rejista deit 1542 kazu detetadus, ida ne’e signifika maiortariamente kazu pozitivu la detetadu. Ajuntamentu ka aglomerasaun ema durante konfinamentu domisiliar jeral iha fulan Marsu-Abril, aglomerasaun ema hafoin inundasaun loron 4 Abril no insidente Vera Cruz 12-15 Abril halo boot liutan risku propagasaun virus iha populasaun nia leet.

Dadus jeral ba loron 24 Abril nian hatudu kazu detetadu COVID-19 foun hamutuk 69 (iha Dili 63 no iha municipio seluk 6).

Kazu konfirmadu kumulativu sura hosi 21 Marsu 2020 to’o ohin loron hamutuk 1808. Husi total kazu detetadu foun ohin mane 44, feto 25. Husi total kazu detetadu foun ohin asintomátiku 63 (91,3%), sintomátiku 6.

Husi total kazu detetadu foun ohin 64 (92,7%) maka deteta tamba halo teste, ho razaun atu halo viajen/ka halo ona viajen ba Munispiu hafoin deteta pozitivu. Maski nune’e, sira ne’ebé rezultadu teste pozitivu husi grupu ida ne’e, maioria sira nia hela fatin, iha duni cluster sira ne’ebé iha kazu detetadu barak iha Munisipiu Dili. Kazu rekuperadu nain 38, total kazu ativu 956, halo teste PCR hamutuk 796.

Print Friendly, PDF & Email

LEAVE A REPLY

Please enter your comment!
Please enter your name here