Home Notisia Laurinda Iha Lahane Oriental Ameasadu Lakon Rai, Deskonfia Ema Hadau

Laurinda Iha Lahane Oriental Ameasadu Lakon Rai, Deskonfia Ema Hadau

764
0
Jornalista NM entrevsta Laurinda. [Foto: Renato | 10.12.2022]

Reportajen David Da Costa

Inan faluk Laurinda de Fatima Carvalho iha Aldeia Metin, suku Lahene Oriental, Postu Administrativu Nain Feto Munisipu Dili, atu lakon nia ria tanba deskonfia Francisco ho familia, hadau atu halo kolam ikan ka halo ikan fatin iha sira nia hela fatin.

Bainhira neon metin dada lia ho Inan faluk Laurinda de Fatima Carvalho konta Inan faluk ne’e haktuir, uluk rai ne’e laiha problema ida. Maibé problema ne’e mosu bainhira Francisco ho Ameu Roke dada fiu eletrisidade liuhosi toos laran ba iha sira nia toos. No sira dada ne’e estraga hotu ai-fuan sira ne’ebé maka iha toos laran ne’e.

“Iha momento ne’eba sıra dada ahi liu husi hau nia to’os laran ne’ebé maka sira tesi tiha hau nia Derok sanak sorin ne’ebé maka fuan tebar hela ba tesi tan ho hau nia has, iha momento ne’e hau rasik maka hase sira dada ahi husi ninin, hosi to’os laran fali ne’e tempo ai-fuan tasak iha leten hau presiza atu han maka hau ku ba maka ahi soke hau karik ne oinsa, maibé Ameu Roke hasai liafuan ne’ebé maka la justo ou kasar mai hau nia leten hodi dehan ahi soke u mate ne mate ba, entaun iha momento ne’eba duni hau pesoalmente hanesan ema ferik faluk ida hau sente hau nia laran moras tebes, se wainhira hateten liafuan hanesan ne’e mai hau nia leten iha momento ne’eba kedas hau rasik hili dezisaun katak hau tenke ba keisa iha sede Aldeia suhurama nian atu nune hodi hetan solusaun kona-ba ahi ne’ebé maka sira dada husi toos laran ne’e,” nian faluk Laurinda konta ba Neon Metin iha nia hela fatin Aldei metin suku lahene, kinta 8/12.

Maibé problema ne’e seidauk resolve, inan faluk nia oan sira mós rona ona liafuan “ahi sike o mate ne’e mate ba”, entaun inan falun nia oan Ameio matebian ne’e no nia Alin Armando ne’e nervosu ba tolok hasoru Francisco Caravalho to’o iha nia inan no aman sira.

Maibé Armando ne’ebé tolok Francisco ne’e, nia rasik hamutuk ho nia maun Jose monu ona ba iha Francisco nia ain hodi husu deskulpa. Mas ikus mai Feranada nu’udar ferik oan husi Francisco Cravalho mai ameasa inan faluk Laurinda atu husik nia rai ne’ebé inan faluk ne’e hela desde protugues nia tempu to’o mai agora.

“Hau hela iha fatin ida ne’e komesa  Portugues nia tempo e hau laos foin maka mai hela iha ne’e, hau hela tiha fatin ida ne’e seidauk golpe 1975, i hau nia kaben Marcal Carvalho ba lori hau mai hela ona iha fatin ida kuaze fulan 7 nia laran hafoin maka hahu tama golpe funu 1975 nian, hau nia kaben  halai sai ba iha Ai – Laran durante tinan tolu nia laran, ami fila fali mai ami hela nafatin iha ne’e no halo toos atu nun’e  kuda ai han iha laran hodi bele sustenta ami nia kabu, Maibé ikus fali mai nia hakarak foti ona rai ne’e hodi sai nain fali,” nia konta tuir.

Nia haktuir, sei karik nia maka nain ba rai momentu ne’ebá ema mai suka rai rai nusa la halo impedimentu, maibé nia rasik maka sai fali testemuña ba sukat rai ne’e ikus fali mai Francisco dehan fali nia maka rai nain.

“Agora nia hamrik sai hanesan testamunha tiha ona ba rai ne’e hodi hau sukat ona e surat rai hanesan abral hau kaer tiha ona iha hau nia liman ikus mai nia dehan surat Abral rai nian ne’e la vale fali ona entaun se ida husi agraria nia ne’e se la vale fali”.

Inan faluk ne’e salienta, ema ne’ebé mai foti rai sira laiha relasaun familia maibé sira bolu malu kompadre no komadare deit no sira hakiak hela ikan iha sira nia fatin ne’ebá maibé mota subu tiha ona, ho ida ne’e sira hakarak mai hadau fali fatin ida ne’e atu halo kolam ikan iha ne’e.

 “Hau deskomfia sira hadau rai ne’e atu halo kolam ikan, tanba sira halo ikan fatin iha sorin ne’e mas mota sobu tiha ona, entaun hau deskomfia sira hakarak mai foti ida ne’e atu halo ikan fatin,” nia deskomfia Francisco.

Nune’e inan faluk ne’e prontu kazu ne’e la’o ba oin, tanba inan faluk ne’e mós keisa ona problema rai ne’e ba iha rede ba rai, atu nune’e kazu ne’e  bele kontinua lao ba oin.

Print Friendly, PDF & Email

LEAVE A REPLY

Please enter your comment!
Please enter your name here