Home Notisia Covid-19, Iha Tempu Badak CIJK Sei Foka Ba Prevensaun no Mitigasaun To’o...

Covid-19, Iha Tempu Badak CIJK Sei Foka Ba Prevensaun no Mitigasaun To’o Periudu EE Remata

246
0
Portavoz CIJK, Dr. Rui Araujo. [Foto: Francisco JDA | 11.04.2020]

Reportazen Zevonia Vieira

Relasiona ho moras surtu Covid-19 iha Timor-Leste, liu hosi Centru Integradu Jestaun Krize [CIJK], sei halo esforsu  hodi foka ba prevensaun no mitigasaun Covid-19 iha semana hirak tuir mai to’o final periudu Estadu Emerjensi, mak kontinua halo triajen no vijilansia sentinela, iha fasilidade suade sira iha Timor-Leste nia laran tomak.

Portavoz CIJK, Dr. Rui Araujo hateten iha liu hosi konferensia imprensa katak triajen signifika ema ne’ebe mai konsulta iha fasilidade saude sira, ita buka tuir sira ne’ebe prienxe kriteriu suspeitu kazu Covid-19 katak sira ne’ebe iha sintomas Infesaun Respiratoria Aguda [IRA] no iha istoria viajen hosi fatin afetadu ka iha istoria viajen hosi fatin afetadu ka iha istória kontaktu ho ema ne’ebé konfirmadu ka provável, hasai sira nia amostra espésime ba analize laboratóriu, hafoin enkuantu hein rezultadu husi laboratóriu, sira tenki tama konfinamentu ka kuarentena.

Saida mak Vijilansia sentinela?

Ne’e katak ema sira ne’ebe mai konsulta iha fasilidade saúde no hatudu sintomas IRA, maski la iha istória viajen husi fatin afetadu ka la iha istória kontaktu ho ema konfirmadu ka provável, se nia idade 15 anus ba leten, sei husu ninia autorizasaun atu foti amostra espésime hodi halo análize laboratóriu.

Dr. Rui informa katak objetivu husi atividade triajen no vijilánsia sentinela, maka buka ativamente atu deteta kazu Covid 19 iha komunidade nia le’et.

“Ita hein katak iha semana rua nia laran, ita bele iha ona informasaun ne’ebé kredivel kona-ba trasmisaun Covid 19 iha komunidade nia le’et”, hateten Dr. Rui iha sala de situasaun, CCD 05/05.

LEAVE A REPLY

Please enter your comment!
Please enter your name here