Reportajen Francisco JDA
Atual deputadu José Siqueira ” Somotxo” Konfirmadu ona ho Eis Primeiru Ministro Dr. Rui Maria Araújo hodi sei avansa pakote ida ba kongresu partidu Frente Revolusionáriu Timor-Leste Independénsia ( FRETILIN) ne’ebé sei akontese iha tinan ida ne’e nia laran.
Tuir Deputadu Bankada FRETILIN, José Siqueira ” Somotxo” ba jornalista sira hateten pakote ne’e nain rua, atu konkore eleisaun direita ou kongresu, nune’e husu hotu-hotu atu observa, no hare estatutu FRETILIN tanba kongresu ba FRETILIN tuir regra kada tinan 5. Pakote sira sei hametin liu tan FRETILIN no ema ne’ebé temi ona naran, ne’e konserteza iha koñesimentu hodi avansa ho pakote ida.
“Ha’u hanoin ida ne’e la’ós atu harahun FRETILIN maibe adia no halo metin tan FRETILIN, tanba ami hotu tenki halo reflesaun ba ami ida-idak nia an, pakote ida intensaun.” hatete Deputadu FRETILIN José Siqueira ” Somotxo” iha ambitu komemorasaun loron FALINTIL ba dala 46 iha Kuarter Jeneral Fatuhada, 20/08
Deputadu FRETILIN ne’e dehan, pakote ne’e normál, tanba ne’e kongresu FRETILIN iha 4 de Outubro 2016, no sei remata iha 4 de Outubru 2021 ne’e responsabilidade la’ós pesoal ida nian, maibé kuadru militante tomak hosi FRETILIN nia responsabilidade.
“Ha’u la bele se kotuk ba ha’u nia maluk sira ne’ebé iha 75 hanesan estrada karik nahe tutuir dalan to’o mai iha 99, ha’u la’ós atu trai sira, ha’u kontinua nafatin sira nia obra, no husu mós ba líder sira, se sira dehan ha’u bele halai, hatete ba sira aban bainrua mós labele halai, fiar katak fundadór sira hanesan Dr. Mari aban bainrua nia mós sei la halai hosi partidu, tanba fiar katak manán ka lakon hotu-hotu serbisu ba partidu,” hateten Somotxo” iha Kuartél Jeral Fatuhada.
Antes ne’e Presidente Bankada FRETILIN, Francisco Branco ba jornalista sira hatete katak, forma pakote ne’e la’ós problema, maibé FRETILIN hanorin Demokrasia, tanba partidu ne’e mosu hatudu dehan demokrasia funsiona, nune’e demokrasia ne’e la’ós iha estadu de’it maibé demokrasia mós iha partidu sira
Nune’e kongresu FRETILIN sei hahú ho faze ba faze, tenke liu lai hosi reestrutura baze, hosi suku to’o Munisípiu to’o Komisaun Polítiku Nasionál, nune’e sei presiza reúne atu bele determina loron no define agenda ba kongresu iha tinan ida ne’e nia laran.
