Home Notisia Perfurasaun Timor Resource Ba Posu Mina Matan Iha Suai Avansa Ho Di’ak

Perfurasaun Timor Resource Ba Posu Mina Matan Iha Suai Avansa Ho Di’ak

1391
0
Ministru Petróleu no Minerais (MPM), Victor da Conceição Soares. [Foto: Media PR | 23.06.2022]

Reportajen Santina Lucia da Costa

Ministru Petróleu no Minerais (MPM), Victor da Conceição Soares informa perfurasaun Timor Resource ba posu mina matan iha Suai hatudu deskobrimentu tekniku  avansu di’ak no lori esperansa foun ba Timor-Leste.

Ministru Petroliu no Minerais (MPM), relata asuntu ne’e ba Jornalista sira hafoin enkontru ho Prezidente Republika, Dr. Jose Manuel Ramos Horta iha Palasiu Prezidensia  Nicolau Lobato, Bairu-Pite, Dili, 21/6.

“Perfurasaun Timor Resources iha Suai avansu di’ak, sira mai ho tinan barak ona mais iha tinan kotuk ho tinan ida ne’e sira tama ona faze perfurasaun, agora posu primeiru, segundu no ba fali posu terseiru nia rezultadu maka, posu segundu ne’e hetan dekobrimentu tekniku katak iha duni mina soké agora sei presija tan analizes teste para atu bele hatene katak dekobrimentu komersial tama faze ida ne’e ka lae.” Dehan, MPM, Victor da Conceição Soares.

Governante ne’e hatutan perfurasaun ba Posu Terseiru kontinua mobiliza hela, hotu ida ne’e tuir mai sei fura fali posu iha Same Betano, Foho Ailiku, posu naran Rusa, ne’e Timor Resource nian.

Nia haktuir, Iha loron Sesta-feira sei hamutuk ho Timor Gap ba iha Natarbora para atu halo sensibilizasaun ba prejensa Timor Gap nia atividade iha ne’eba.

“Agora dadaun media komesa rame ona tanba iha mós Empreza Santos Limited ne’ebé halo explorasaun iha Bayu Undang anunsia katak, besik ona dikliniu ba posu ne’e atu para ona tanba la ekonomiku ona, entaun informasaun sira halo paniku.” Haktuir, MPM.

Nia hateten kuandu tama ona iha faze ne’ebé labele halo produsaun tanba la ekonomiku ona la’os maran, kerdizér mina maka la viavél ona atu produz nafatin, mina iha nafatin soké ninia kustu produsaun ne’e aas liu fali husi komersial ne’e, entaun tenki hapara, mais hapara ne’e tama ona faze dezmantelamentu.

Print Friendly, PDF & Email

LEAVE A REPLY

Please enter your comment!
Please enter your name here