Home Saude MS: Simu AstraZeneca Dozes Daruak Hodi Asegura Efetividade

MS: Simu AstraZeneca Dozes Daruak Hodi Asegura Efetividade

260
0
Ministra Saude Odete Maria Freitas Belo. [Foto: David da Costa | 10.06.2021]

Reportajen David da Costa Gusmao

Governu liu hosi Ministru Saúde (MS) ohin halo lansamentu  ba Programa Nasionál Imunizasaun COVID-19,  ba vasina AstraZeneca doze daruak ne’ebe oferese hosi COVAX Facility , iha Centro Convensaun Dili (CCD) Merkadu Lama. sira ne’ebe simu ona doze dahuluk maibé hetan virus COVID-19, bele simu doze daruak hodi asegura efetividade vasina no prevee kontájiu virus.

Ministra Saúde (MS), Odete Maria Freitas Belo informa variante hosi COVID-19 iha mundu aumenta makaa’s, tanba ne’e vasina kontra COVID ne’e importante tebes, hodi bele kombate virus aat ne’e.

“Ita kontente tebes tanba horseik Timor-Leste simu tan doze 100.800 inklui doze 24.000 hosi mekanizmu Co-sharing tanba kontribuisaun hosi Governu Nova Zelândia,” Ministra Saude, Odete Maria Freitas Belo dehan iha nia diskursu ba vasina AstraZeneca  doze daruaka iha CCD merkadu Lama, Kinta 10/06.

Nia haktuir ho esforsu no preparasaun maka’as ne’ebe Komisaun Interministeriál ba vasina kontra COVID-19 halo, relasiona ho doasaun hosi COVAX Facility, finálmente konsege lansa duni doze daruak.

“To’o oras ne’e total sidadaun na’in 90.000 simu ona doze dahuluk vasina AstraZeneca no numeru ne’e MS konsege atinje, tanba doasaun hosi Australia ne’ebé suporta no komprometidu nafatin, atu kontinua halo doasaun vasina ne’e , hodi asegura katak populasaun tomak iha Timor-Leste bele sai protejidu hosi moras COVID-19”, nia esplika.

Ho ida ne’e MS mos konsidera doasaun vasina AstraZeneca hosi COVAX Facility sei haforsa di’ak liu tán apoiu sira seluk hosi Governu Australia no governu Xina, hodi kontribui nafatin ba esforsu ne’ebé hovernu halo hodi luta hasoru pandemia COVID-19.

Nia salienta durante Juñu no Jullu 2021 , governu bele kompleta ona vasina ba 20% populasaun ne’ebé iha grupu prioritáriu , maibe MS tenke asegura katak pelu menus tinan ida ne’e konsege atinje meta ne’ebéé tama iha planu vasinasaun, hodi vasina totál populasaun adultu ka ho idade liu hosi tinan 18 ba leten.

Nune’e MS hakarak agradese espesiál ba ekipa téknika hosi Fundu Nasaun Unida ba Infánsia (UNICEF) no Organizasaun Mundial Saúde (OMS) ne’ebé sempre halo esforsu hamutuk ho Ministériu Saúde rasik, hodi asegura katak vasina hosi COVAX Facility ne’e bele mai lalais iha Timor-Leste no kompleta kobre vasinasaun ba grupu prioritáriu no profisional sira ne’ebé iha liña frente.

Governatete ne’e mós informa ba ema hotu katak, sira ne’ebe simu ona doze dahuluk maibe hetan virus  COVID-19, bele simu doze daruak hodi asegura efetividade vasina no prevee kontájiu virus.

Iha fatin hanesan Vise Primeira-Ministra, Armanda Berta dos Santos kontinua husu ba entidade hotu atu kolabora hamutuk, hodi halakon surtu Covid iha Timor-Leste.

Nia haktuir ema hotu bele simu Vasina ida ne’e, atu bele kontinua serbisu tanba durante ne’e ema barak mak lakon serbisu, lakon estudu, la hasoru nia familia sira.

Print Friendly, PDF & Email

LEAVE A REPLY

Please enter your comment!
Please enter your name here