Home Notisia Expo Dubai, TMR: Laiha Razaun Atu Hapara, HAK: CAC Investiga Uluk Expo...

Expo Dubai, TMR: Laiha Razaun Atu Hapara, HAK: CAC Investiga Uluk Expo Shanghai no Milan

1330
0
PM Taur Matan Ruak. [Foto: Santina Lucia | 10.06.2021]

Reportajen Santina Lucia da Costa

Relasiona ho programa Expo Dubai, hamosu kritika hosi sosiedade sivíl, no sidadaun sira tanba laiha benefísiu ba povu Timor-Leste,  Primeiru Ministru Taur Matan Ruak hateten difisil atu hapara partisipasaun Timor nian iha expo Dubai, tanba iha tinan naruk halo ona preparasaun, ne’ebé laiha razaun atu hapara.

 “Prosesu ida ne’e, prosesu kleur antes hau sai Primeiru Mnistru, primeiru enkontru ke hau halo ne’e trata asuntu ida ne’e, ne’ebé ita lao naruk tiha ona, ne’ebé hau la hatene, ita investe tempu, rekursu, derrepente to’o klaran ita hakotu ne’e, hau la hatene nia prosesu. Tanba ne’e maka tuir hau nia hanoin, sei laiha razaun para ita hapara, ita mantein prosesu ida ne’e, tanba tinan barak ona ita investe, maka la fasil atu deside, derepenti ita deside atu kansela, ne’e susar,” dehan, Primeiru Ministru hafoin enkontru semanál ho Prezidente Republika iha Palasio Prezidensial, Nicolau Lobato, Bairu-Pite, loron, 10/06.

Jornalista husi Timor Post husu kona-ba iha ka lae benefísiu fundamental direita ba Timor, hafoin tuir expo internasionál sira? Xefe Governu ne’e hatán normalmente partipasipasaun asaun sira hanesan ne’e, mais projesaun internasionál halo ema kunese ita nia rai Timor,  koñese malu, ida ne’e mos hanesan Timor hakarak atu projete ninia aan ba media oriente, ema kunese ita, ita iha familia CPLP. Iha fatin seluk ema la koñese ita lori ita nia sasán, ita halo promosaun ba ita nia rain,

“Hau Lembra hau sei Jeneral, ita lori kartaun hau ba Singapura ema la koñese Timor, buka fali mapa Timor iha ne’ebé, rai barak sira la hatene Timor iha ne’ebé, entaun momentu ida hanesan ita partisipa koñese ita nia bandeira, sira husu mai husi ne’ebé, populasaun ne’e hira, ekonomia halo nusa, istória halo nusa,” hateten Taur Matan Ruak.

Entretantu Diretór Ezekutivu Asosiasaun HAK, Xisto dos Santos hateten kona-ba Primeiru Primeiru Ministru Taur Matan Ruak dehan sei laiha razaun  hapara ba expo iha Dubai, razaun ne’ebe uza la relevante ho kondisaun agora, la relevante tanba imajina iha kapitál Dili, fatin turizmu sira ne’e, bee-moos laiha, konstrusaun fatin turístiku laiha, produtu sira ne’e mós la folin.

 “Iha situasaun ida ne’e, povu ninia nesesidade ne’e ba hahan, ba aimoruk, bee-moos, edukasaun, agora imi sira ba ne’e turis rihun hira mak atu mai, ne’e turis loron ida rihun lima mós la fó retór ida ba povu nia moris,” hateten Diretór Asosiasaun HAK.

HAK husu ba Komisaun Anti-Korrupsaun (CAC) atu halo investigasaun uluk ba expo Shanghai ho expo Milan nia rezultadu oinsa, se Ministru laiha informasaun ba ida ne’e, ne’e problema nia kontabilidade ba nia povu, agora problema se mak la tau matan ba ida ne’e, tanba Parlamentu komisaun C ninia fiskalizasaun to’o iha ne’ebé?

Print Friendly, PDF & Email

LEAVE A REPLY

Please enter your comment!
Please enter your name here