Home Notisia KI – RTTL.EP Asina Nota de Entendimentu ba Programa Talkshow Liga Ho...

KI – RTTL.EP Asina Nota de Entendimentu ba Programa Talkshow Liga Ho Liberdade Imprensa no Espresaun

650
0
KI-RTTL asina nota de entedimentu. [foto: Umbelina | 26.03.2022]

Reportajen Umbelina dos Reis

Konsellu Imprensa (KI) ho Rádio e Televisão Timor-Leste, empreza públika (RTTL.EP), iha Salaun KI, Kintal Boot (25/03) asina nota de entedimentu ba programa talkshow hodi divulga informasaun ba papel Konsellu Imprensa no knaar órgaun komunikasaun sosial (KomSos) nian, liga ho liberdade imprensa no espresaun.

Tuir Prezidente internu KI, Expedito Dias Ximenes hatete, nota de entedimentu ne’ebé ohin KI ho RTTL.EP asina, nia objetivu atu kontinua programa talkshow ne’ebé durante iha tinan hirak liu ba KI ho RTTL.EP realiza ona.

“Oinsá maka atu bele divulga informasaun konabá papel Konsellu Imprensa nian, no mos knaar prinsipal husi orgaun komunikasaun sosial, tanba ita hotu hatene katak konsellu imprensa orgaun independente estadu nian,” dehan Presidente interinu KI, Expedito ba jornalista sira iha Salaun Enkontru KI, Kintal Boot, Díli, Sesta (25/03).

Nia afirma KI nia knaar oinsá mak bele salva guarda no atu promove liberdade imprensa no liberdade espresaun. Nia hatutan programa servisu hamutuk ne’ebé ohin asina ho RTTL ni-nia títulu mak liberdade imprensa no hau nia liberdade.

“Ida ne’e nia formatu mak Konsellu Imprensa sei konvida hanesan entidades ou liu-liu jornalista senior sira, editor senior, diretor informasaun husi média hotu-hotu ba iha RTTL.EP atu esplika konabá dezenvolvimentu média liu-liu ho situasaun ne’ebé ita tama ona iha era dijital, evolusaun tkknolojia ne’ebé maka’as hanesan kompetisaun ne’ebé ita bele dehan krítiku entre média konvensional no média plataforma dijital ne’ebe oras ne’e da-dauk la’o maka’as,” Reforsa nia.

Nia hatutan, nune’e mos média presiza atu divulga sira nia papel liu-liu funsaun atu asegura ni-nia liberdade espresaun ne’ebé nia hala’o knaar ba, nia salienta tan, ida ne’e KI halo hela, maibé la’os ba de’it RTTL, iha oportunidade seluk ba rádiu no seluk tan.

“Normalmente la’o tinan-tinan, maibé bele  renova no ita haree iha mandatu tinan haat iha Konsellu Imprensa no ita sempre renova iha tinan-tinan, Konsellu Imprensa iha rasik nia ekipa ne’ebé monitoriza no mos halo análiza ba iha produtu jornalístiku ne’ebé iha,” dehan Expedito.

Entretantu Prezidente Konsellu Administrasaun RTTL.EP, José António Belo informa, akordu ida ne’ebé ohin RTTL asina ho Konsellu Imprensa ne’e ho programa ida bolu dehan liberdade imprensa, ha’u nia liberdade.

“RTTL.EP hanesan órgaun públiku ida fo espasu ba iha órgaun públiku estadu ni-nian hodi bele fo sai sira ni-nia programa sira hodi fasilita públiku koñese no kompriende knaar konsellu imprensa nian. Tanba ida ne’e mak akordu ida ne’e estabelese hodi kontinua fali akordu ne’ebé estabelese iha tinan 2021,” dehan Prezidente Konsellu Administrasaun RTTL, José Belo

Nia realsa, akordu ne’e la’os akordu foun maibé ita kontinua akordu tinan kotuk nian ne’ebé estende, maibé iha andamentu ho emendasaun balun ba iha konteúdu ne’e, hodi bele kompleta buat ne’ebé iha ona. Nia dehan durasaun tempu ba tinan ida, hahú iha fulan Dezembru 2021.

Print Friendly, PDF & Email

LEAVE A REPLY

Please enter your comment!
Please enter your name here