Reportajen Neon Metin
Oxfam iha Timor-Leste ho Forum Tau Matan (FTM) organiza seminariu konaba salva guarda, ho tema “importansia asuntu salva guarda iha implementasaun programa nune’e mos iha serbisu fatin”.
Iha semináriu ne’e Prezidente Komisaun Nasional Traballdor Infantil, Aniceto Leto Soro aprezenta relatóriu peskiza relasiona ho traballu infantíl ne’ebe sai preokupasaun publiku nian. Dadus nasional tinan 2016 hatutu total criansas husi idade 5-17 iha nain 421,644, nune’e criancas ne’ebe involve iha atividade ekonomia informal iha 67,688 (16.1%)
Tuir labarik sira nia razaun hodi halo serbisu tanba hodi hasae rendimentu família nian iha 58,4%, abilidade aprende iha 28,5%, tulun serbisu uma laran nian iha 6,3%, tulun hodi selu debe uma laran nian iha 5,5% no seluk iha 1.3%
Objetivu principal husi Seminariu ida ne’e atu bele fahe informasaun ba iha partisipante sira relasiona importansia husi asuntu Salva guarda iha implementasaun programa no servisu fatin, lala’ok ka progresu husi lei konaba labarik ne’ebe to’o oras ne’e sei pendente hela iha parlamentu nasional & observasaun husi ministerio relevante liga ho asuntu traballu infantil (Child labor).
Partisipante sira ne’ebe partisipa iha semináriu ne’e mai husi NGO lokal sira, ne’ebe mak durante halo parseria ho Oxfam iha Timor-Leste hodi halo serbisu umanitária no dezenvolvimentu ekonomia, justisa ekonomia no justisa klimátika.
