Home Notisia UNFPA: Feto, Inan Feto no Labarik Feto Tenke Livre Husi Violénsia no...

UNFPA: Feto, Inan Feto no Labarik Feto Tenke Livre Husi Violénsia no Diskriminasaun

774
0
Koordenadór Prezidénsia UNFPA Timor-Leste, Ronny Lindstrom. [Foto: Media UNFPA| 01.09.2021]

Reportajen David da Costa Gusmao

Koordenadór Prezidénsia United Nations Fund for Population Activities (UNFPA) Timor-Leste, Ronny Lindstrom hatete feto, inan feto no labarik feto sira iha fatin ne’ebé deit, tenki iha direitu no oportunidade iguál (hanesan), no tenke moris livre husi violénsia no diskriminasaun.

Nia dehan, igualdade ba feto no empoderamentu ba feto hanesan objetivu ida husi 17 ba dezenvolvimentu sustentável, no integral tebes ba dimensaun hotu dezenvolvimentu inkluzivu no sustentável. Empodera feto no promove igualdade jéneru krusiál tebes atu aselera dezenvolvimentu sustentável. Hapara forma hotu-hotu husi diskriminasaun kontra feto no labarik feto sira, laos apenas direitu humanu báziku ida deit, maibe iha efeitu multiplikador ba ba areas de dezenvolvimentu sira hotu.

“Atu atinje ka alkansa igualdade jéneru iha tinan 2030, ita presiza foti asaun imediata atu aborda no responde ba kauza profunda ne’ebé limita direitu feto nian iha espasu privadu no públiku”, dehan Koordenador prezidensia UNFPA,  Bainhira halo nia intervensaun iha Salaun Katedral Vila Verde, Sesta 01/10.

Nia esplika atu alkansa igualdade jéneru no asesu iguál ba feto no labarik feto sira ba partisipasaun, oportunidade, informasaun, edukasaun no serbisu públiku depende ba no sai pre-requizitu ba realizasaun plena husi feto no labarik feto sira, ba sira nia direitu ba saúde sexual no reprodutiva. Igualdade jéneru no direitu ba saúde sexual no reprodutiva , asuntu rua ne’ebé interligadu, no sai vital tebes ba alkansa dezenvolvimentu sustentável em jerál.

Timor-Leste hanesan nasaun joven ida iha mundu, no bainhira jovem sira iha informasaun no preparasaun loloos, sira sei iha potensiál atu lidera mudansa pozitiva, iha mundu Potensial sira ne’e so bele realiza bainhira joven sira ne’e saudavel, edukadu no iha kontrolu ba sira nia isin no moris.

Nia haktuir husi perspetiva legal no polítika ligadu responde ba violénsia ho baze ba jéneru, Governu Timor-Leste iha ona polítika ida forte hanesan resposta ida kontra violénsia ho baze ba jéneru, liu husi ninia polítika nasionál no liu husi ninia kompromisu ba konvensaun internasionál ne’ebé responde ba asuntu sira mensiona.

Governu Timor-Leste foti pozisaun ida forte liu husi promulga lei kontra violénsia doméstika iha 2010, no deskreve violénsia doméstika hanesan krime públiku, inklui violénsia fíziku, psikolójiku, sexual no ekonómiku, no aprova ona Planu Asaun Nasional Kontra Violénsia Bazeia ba jeneru iha 2017, no susede planu primeiru dotadu no aprovadu iha 2012 sob Lei Kontra Violénsia Doméstika, extende tan governu nia kompromisu atu hapara violénsia bazeia ba jéneru iha Timor-Leste liu husi aprosimasaun multi-setoral.

Print Friendly, PDF & Email

LEAVE A REPLY

Please enter your comment!
Please enter your name here