Reportajen David da Costa Gusmao
Ministériu Saude (MS) liu husi Diresaun Saude Mental (DSM) organiza formasaun orientasaun kona-ba abilidade psychosocial báziku ba professional Saúde iha liña frente hamutuk nain 45, atu responde ba Covid-19.
Psikolojista klinis, Idalina Bores hateten objetivu husi formasaun ne’e, oinsa atu treinu no orienta abilidade psikososiál baziku , no primeiru sokorru psikososial ba profisionál saúde liña frente sira, ne’ebe mak daudaun hasoru hela situasaun dilematiku ho prezensa surtu covid-19.
“Ita nia staff liña frente sira ne’e hotu merese atu hetan formasaun ida ne’e, atu nune’e antes atu fo tulun ba ema seluk, primeiru sira fó tulun uluk lai ba sira nia-an”, dehan Psikologista Klinis Idalina iha Novo Turizmu Lesidere, Tersa 24/08.
Nia dehan abilidade bazika psikososialál ne’e, aparte ida fo tulun ba ema maneira de emosionál, halo kalma ema , halo ema sente pozitivu no buat hotu di’ak.
“Profisionalál saude liña frente sira hanesan budak ka atan, maibe sai atan ida ne’ebe mak profisionál, oinsa mak prepara nia-an hasoru funu ida ne’e, loron ba loron ita sente buat ne’e todan liu, entaun liu husi formasaun psikososial ida ne’e, ita nia profisionál saude sira fó importansia, kuidadu sira nia-an tuir emosaun ne’ebe mak iha”, tenik nia.
Prezidente Cruz Vermella Timor-Leste (CVTL), Madalena Hanjan hatutan informasaun ida ne’e importante tebes, tanba dalaruma ema hanoin de’it Covid-19 maibé problema psikososial domina hela ema ida la interese.
“Rekursu umanu ba antendimentu moras mental, ha’u sente sei todan los tanba ita tenke haree kondisaun fiziku ho kondisaun mental hanesan balansu, rekursu umanu mós tenke preparadu tanba moras ne’e la haketak ida, tanba ne’e husu governu nia politika tenke di’ak”, nia afirma.
