Home Justisa MP Simu Proseu Kazu Outubro nian Total 612, PJR: Kazu Ofensas no...

MP Simu Proseu Kazu Outubro nian Total 612, PJR: Kazu Ofensas no VD Kontinua Makaas

250
0

MP Simu Proseu Kazu Outubro nian Total 612, PJR: Kazu Ofensas no VD Kontinua Makaas

Reportazen Santina Lucia da Costa

Prokuradór Jerál Repúblika (PJR), Jose da Costa Ximenes informa atividade Minstériu Públiku (MP) nian iha fulan Outobru-Novembru ba Prezidente Repúblika, Dr.Francisco Guterres Lú Olo. 

Haofin sorumutu ho Prezidente Republika, ba jornalista sira, Prokuradór Jerál Repúblika (PJR) Jose da Costa Ximenes hateten enkontru ho Prezidente Republika, atu informa hela konaba halo balansu jerál ida atividade prosesual Ministériu Públiku nian, hahú 1 Janeiru to’o mai iha 31 Outobru, “ita pelumenus tama ona iha Ministériu Públiku kuaze 5 mil ital prosesu, iha fulan Outobru iha nivél nasionál, Ministeriu Publik simu prosesu 612”.

“Ha’u bele dehan ultrapasa uitoan husi ita nia kapasidade resposta, ita konsege fó de’it resposta 567 ita termina, akuzasaun 320, arkivamentu 257 ne’e fulan Outobru nian, fulan Outobru iha Dili atinji 365, ne’e maka iha nivél nasionál ita simu 560 resin, prosesu to’o iha Outobru ita kuaze termina besik 6 mil resin”, informa PJR Jose da Costa Ximenes ba jornalista sira hafoin remata enkontru mensál ho Xefe Estadu iha Palasiu Prezidensiál Bairu-Pite, loron, 16/11.

Prokurador Jeral Republika haktuir iha nivél estabilidade buat hotu lao diak, agora dadauk Ministeriu Publiku iha besik 3 mil resin maka kazu pendente, 280  ate 3 mill ital maka pendente iha nivél nasionál.

Nia esplika razaun kazu pendent, kazu ne’ebé tama mai iha Ministériu Públiku no la movimenta ne’e maka pendent, kazu ne’ebé tama movimenta maibé MP la halo dala ida hotu kedas, entaun ida ne’ebé Ministeriu Publiku finaliza no ida ne’ebé tama foun mai nafatin no finaliza.

“Ita iha 5 mil resin ne’ebé entrada iha tinan ida ne’e, barak liu tinan kotuk, ne’e fulan rua maka foin 5 mill, 60 prosesu, agora de’it 5 mil ital tama,” haktuir Jose da Costa Ximenes.

Nia dehan primeiru maka ofensas ba integridade, iha Munisipiu Dili, Postu Administrativa  Dom Alexo maka maka’as liu, tuir mai maka violénsia doméstika depois krime sira seluk tan, nune’e omesidu mós barak, arma branka mós barak, naok mós barak  ho tan krime sira seluk.

Entretantu iha enkontru refere Prezidente Repúblika Francisco Guterres Lú Olo fo apoiu ba Ministeriu Publiku atu iha korajen nafatin lori prosesu sira ba oin.

MP Simu Proseu Kazu Outubro nian Total 612, PJR: Kazu Ofensas no VD Kontinua Makaas

Print Friendly, PDF & Email

LEAVE A REPLY

Please enter your comment!
Please enter your name here