Home Justisa Kazu Rai Kotu, PJR Promete Antes Dezembru Termina no Akuza Suspeitu Ba...

Kazu Rai Kotu, PJR Promete Antes Dezembru Termina no Akuza Suspeitu Ba Kazu Homesidu Agravadu.

473
0

Reportazen Santina Lucia da Costa

Relasiona ho kazu rai kotu ne’ebe hamate DS no hakanek nia oan ho inisial LM, ba jornalista sira, Prokuradór Jerál Repúblika (PJR), Jose da Costa Ximenes promete antes fulan Dezembru termina, akuza ona suspeitu kazu homesidu agravadu refere.

 “Kazu iha Rai Kotu ne’e ita rona ona vitima iha semana kotuk, ha’u bele promete ba ita boot sira katak antes Dezembru termina ita akuza ona,” informa Prokurador Jeral Republika, Jose da Costa Ximenes ba jornalista sira hafoin remata enkontru  ho Xefe Estadu iha Palasiu Prezidensiál Bairu-Pite, Segunda 16/11.

PJR Jose da Costa Ximenes akresenta informa ba públiku sira, kada vez públiku sira husu oin nusa kazu Rai Kotu ninian, desde inisiu Prokuradoria Distritál Dili hamutuk serbisu maka’as ho orgaun Polísia Kriminál iha kontestu ida ne’e ho Polísia Investigasaun Kriminál Nasionál arguidu, agora iha tiha ona prizaun preventiva hanesan públiku sira hatene.

Nune’e PJR dehan krime ne’ebé posivelmente Miniteriu Publiku (MP) imputa tanba barak hakerek iha notísia, hakerek iha informasaun kontradisaun oi-oin.

“Ha’u atu hatete de’it iha krime de mínimu krime tolu, se iha tan aumenta karik, ida homesidu agravadu seluk homesidu tentadu, iha mós estragus danu, iha mós arma branka. Homesidu agravadu de’it dala ruma 12 to’o 25 anos, karik ida ne’e kona-ba kestaun Rai Kotu ninian,” hatete Jose da Costa Ximenes.

Entidades oioin nia kritika ba kazu rai kotu, Prokurador Jeral Republika hateten, “ami   kontente tanba ema barak maka hahú konsiente, maibé homesidu ida ne’e ida husi homesidu bara-barak ne’ebé ita iha. Ne’ebé sosiedade sivil sira no sosiedade sira preokupa. Ida ne’e hhomesidu ida ne’ebé akontese kona iha familia ida ne’e.”

Nia hatutan iha mós krime sira seluk ne’ebé mós boot, kuandu Ministériu Públiku ko’alia, alerta tanba balun atinji iha ema nia vida, maibé balun atinji ita nia sosiédade, hanesan droga, brankamentus kapitais ne’e atinji sosiédade jerál, korupsaun ne’e atinji sosiédade jerál, tráfiku umanu no nia atinji sosiédade enjerál, tanba ne’e Ministeriu Publiku estabelese Gabinete Kombate Korrupsaun Kriminalidade Organizada.

Print Friendly, PDF & Email

LEAVE A REPLY

Please enter your comment!
Please enter your name here